نەگىزگى كورسەتكىشتەر:

300 قىلمىستىق ءىستى تەرگەپ-تەكسەرۋ اياقتالعان;

زارداپ شەككەن ازاماتتارعا 20 ملرد تەڭگەگە جۋىق وتەماقى قايتارىلعان;

قارجى پيراميدالارىن ۇيىمداستىرۋشىلاردىڭ 2,2 ملرد تەڭگە بولاتىن كريپتوۆاليۋتا تۇرىندەگى قىلمىستىق تابىستارى بۇعاتتالدى;

ۇيىمداسقان 6 قىلمىستىق توپ جويىلعان. ولاردىڭ ءبىرى – ترانسۇلتتىق توپ;

ءىرى ينفراقۇرىلىمدىق جوبالاردى ىسكە اسىرۋدا 23 ملرد تەڭگە كولەمىندەگى بيۋدجەت قارجىسىنىڭ ماقساتسىز جۇمسالۋىنا جول بەرىلمەدى.

اگەنتتىك اعاش پەن تەمىردىڭ زاڭسىز ەكسپورتتارىنىڭ جولىن كەسكەن. سونداي-اق جانار-جاعارمايدى زاڭسىز تاسىمالداۋدىڭ ءىرى سحەماسى جويىلعان. بۇل ىشكى نارىقتاعى جاعدايدى تۇراقتاندىرۋعا مۇمكىندىك بەردى.

ازاماتتاردى قورعاۋعا ەرەكشە نازار اۋدارىلىپ وتىر:

زاڭسىز جۇمىس ىستەگەن شاعىن قارجى ۇيىمدارىنىڭ جەلىسى انىقتالدى. ولاردان 327 مىڭ ازامات زارداپ شەككەن. كەلتىرىلگەن زالال مولشەرى 30 ملرد تەڭگەنى قۇرايدى;

24 قارجى پيراميداسى جويىلدى;

الاياقتىق سحەمالاردى تاراتقان 5,6 مىڭ سايت بۇعاتتالعان;

22 مىڭنان استام مۇشەسى بار 30 توپتىق چات پەن اككاۋنت جابىلعان.

پروفيلاكتيكالىق جۇمىس:

567 مىڭ وقۋشىعا جانە 100 مىڭنان استام ستۋدەنتكە قارجىلىق قاۋىپسىزدىك بويىنشا ساباقتار وتكىزىلگەن.

پارلامەنت ءماجىلىسىنىڭ قاراۋىنا كىرىستەردى جىلىستاتۋعا قارسى كۇرەس ماسەلەلەرى بويىنشا زاڭنامالىق تۇزەتۋلەر ەنگىزىلگەن. ولار قابىلدانسا، قازاقستان FATF ستاندارتتارىنا تەحنيكالىق تۇرعىدان تولىق ساي كەلەدى.

پرەزيدەنت ەكونوميكالىق قۇقىق بۇزۋشىلىقتىڭ الدىن الۋدى، كولەڭكەلى اينالىمنىڭ ۇلەسىن ازايتۋدى، زاڭسىز يەلەنگەن اكتيۆتەردى جىلىستاتۋعا قارسى كۇرەستى جالعاستىرۋدى، حالىقتىڭ قارجىلىق ساۋاتىن ارتتىرۋدى تاپسىردى.