ەرلان قوشانوۆ: 

پرەزيدەنت رەفورمالارىن زاڭنامالىق تۇرعىدان قامتاماسىز ەتۋ اياسىندا پالاتانىڭ اتقارعان قىزمەتى تۋرالى باياندادى:

      – سەسسيا باستالعاننان بەرى 31 زاڭ قابىلدانىپ، سەناتقا جولدانعان، سونداي-اق 15 زاڭعا پرەزيدەنت قول قويعان. ولاردىڭ ىشىندە بيۋدجەت كودەكسى، بيرجالىق ساۋدا ماسەلەلەرى بويىنشا زاڭدار، ەسىرتكى قىلمىسى ءۇشىن جازانى قاتاڭداتۋ، «كەلەشەك» بىرىڭعاي ەرىكتى جيناقتاۋشى جۇيەسىن ەنگىزۋ، سوتتاردى جاڭعىرتۋ، اكىمشىلىك زاڭنامانى جەتىلدىرۋ جانە تاعى باسقالارى بار;

      – قازىر دەپۋتاتتار 71 زاڭ جوباسىن قاراپ جاتىر. سالىق، سۋ، قۇرىلىس، تسيفرلىق كودەكستەرى مەن تۇتىنۋشىلار قۇقىعىن قورعاۋ، تۇرعىن ءۇي قۇرىلىسىنا ۇلەستىك قاتىسۋ ماسەلەسى، قارجى نارىعىن دامىتۋ، اسكەري-پاتريوتتىق تاربيە، پوشتا سەكىلدى زاڭ جوبالارى بويىنشا جۇمىس جۇرگىزىلۋدە;

      – پرەزيدەنتتىڭ اتىراۋدا وتكەن ۇلتتىق قۇرىلتايدا بەرگەن تاپسىرماسىن ورىنداۋ ماقساتىندا دەپۋتاتتار قىز الىپ قاشقانى ءۇشىن بەرىلەتىن جازانى قاتاڭداتۋ جونىندە تۇزەتۋلەر دايىنداپ جاتىر;

      – دەپۋتاتتار بيۋدجەت شىعىندارىنا پارلامەنتتىك باقىلاۋ جۇمىستارىن ۇدايى جۇرگىزىپ كەلەدى. جۋىردا جوعارى اۋديتورلىق پالاتا توراعاسىنىڭ اۋىل شارۋاشىلىعىن مەملەكەتتىك سۋبسيديالاۋدىڭ تيىمدىلىگى تۋرالى ەسەبى تىڭدالعان;

      – ءماجىلىس زاڭ شىعارۋ جۇمىسىنىڭ اشىقتىعىنا، وعان قوعام مەن ساراپشىلار قاۋىمداستىعىن تارتۋعا ەرەكشە ءمان بەرەدى. قوعامدىق پالاتانىڭ وتىرىستارى تۇراقتى تۇردە وتكىزىلەدى;

      – بارلىق پارتيالىق فراكتسيا دەپۋتاتتارى مەن ءبىر مانداتتىق وكرۋگتەردەن سايلانعان حالىق قالاۋلىلارى سايلاۋشىلارىمەن ءجيى كەزدەسۋلەر وتكىزىپ، ازاماتتاردى قابىلداپ، وڭىرلەرگە ساپارلايدى;

      -   پارلامەنتتىك ديپلوماتيا باعىتىنداعى جۇمىستىڭ قورىتىندىلارى جونىندە مالىمەت بەردى;

«AMANAT» پارتياسىنىڭ «اۋىل اماناتى» جانە «جەر اماناتى»، سونداي-اق مەملەكەت باسشىسىنىڭ حالىقتىڭ قارجىلىق ساۋاتىن ارتتىرۋ جونىندەگى تاپسىرماسىن ورىنداۋ بويىنشا اتقارىلىپ جاتقان «قارىزسىز قوعام» جوبالارى تۋرالى ايتتى.