قاسىم-جومارت توقاەۆ كەزدەسۋدە ۇلتتىق تسيفرلىق ينفراقۇرىلىمدى ودان ءارى وركەندەتۋ، ەكونوميكا مەن الەۋمەتتىك سالانىڭ نەگىزگى باعىتتارىنا جاساندى ينتەللەكتىنى ەنگىزۋ، سونداي-اق ازاماتتار مەن بيزنەس ءۇشىن مەملەكەتتىك تسيفرلىق قىزمەت كورسەتۋدىڭ ساپاسىن ارتتىرۋ جونىندە تاپسىرما بەردى.

پرەزيدەنت جي مەن تسيفرلىق تەحنولوگيالار بويىنشا ەڭبەك ەتەتىن بىلىكتى ماماندار دايارلاۋ ماسەلەسىنە باسا نازار اۋداردى. مەملەكەت باسشىسى جوعارى تەحنولوگيالار سالاسىنداعى حالىقارالىق ىنتىماقتاستىقتى كەڭەيتۋ جانە قازاقستاننىڭ وڭىرلىك تسيفرلىق حاب رەتىندەگى ورنىن نىعايتۋ قاجەتتىگىن اتاپ ءوتتى.

پرەمەر-ءمينيستردىڭ ورىنباسارىنا جولداۋدا بەلگىلەنگەن قازاقستاندى تسيفرلىق مەملەكەتكە اينالدىرۋ جونىندەگى باسىم ماقساتتاردى ناقتى ىسكە اسىرۋ جۇكتەلدى.

Akorda.kz