كەزدەسۋدە پرەزيدەنت قاسىم-جومارت توقاەۆ مينيسترلىكتىڭ نەگىزگى مىندەتتەرىن ايقىنداپ، ورمان قورىن قالپىنا كەلتىرۋ جۇمىستارىن جالعاستىرۋدى، ۇلتتىق پاركتەر ينفراقۇرىلىمىن دامىتۋدى، قالدىقتاردى وڭدەۋ ەسەبىنەن تۇيىق تسيكلدى ەكونوميكا قالىپتاستىرۋدى تاپسىردى.
استانا، الماتى جانە شىمكەنت قالالارىندا قالدىقتاردى ەنەرگەتيكالىق كادەگە جاراتاتىن زاۋىت سالىپ، بۇل ءىستى باسقا وڭىرلەردە دە جالعاستىرۋ كەلەشەگىنە ەرەكشە نازار اۋدارىلدى.
سونداي-اق ەكولوگيالىق مادەنيەتتى ارتتىرۋ مەن «تازا قازاقستان» باستاماسىن ارى قاراي ءتيىمدى ىسكە اسىرۋدىڭ ماڭىزىنا ءمان بەرىلدى.
