قما ۇلىتاۋ وبلىسى بويىنشا دەپارتامەنتى مارگانەتس كەنىن زاڭسىز ءوندىرۋ جانە وڭدەۋمەن اينالىسقان توپتىڭ ارەكەتىن توقتاتتى.
كۇدىكتىلەر پايدالانۋدان شىققان كارەردى رەكۋلتيۆاتسيالاۋ جۇمىستارىن جۇرگىزىپ جاتقان كەيىپ تانىتقان. وقيعا ورنىندا اۋىر كارەر تەحنيكاسى مەن ۇساتۋ-جۋ جابدىقتارى قولدانىلعان تولىققاندى تاۋ-كەن بايىتۋ كەشەنى ىسكە قوسىلعان.
وندىرىلگەن كەن تاۋارلىق كونتسەنتراتقا وڭدەلىپ، تەمىرجول ارقىلى شەكارالاس مەملەكەتتەرگە ەكسپورتقا جونەلتىلىپ وتىرعان.
شيكىزاتتى جۇيەلى تۇردە تيەپ-جونەلتۋ ءۇشىن كۇدىكتىلەر تەمىرجول تۇيىعىن جالعا العان.
تەرگەۋ دەرەگىنشە، وتكىزىلگەن ءونىم كولەمى 23 مىڭ توننادان اسىپ، ونىڭ قۇنى 1 ملرد تەڭگەدەن كوپ بولعان.
زاڭسىز ارەكەت سالدارىنان قورشاعان ورتاعا زالال كەلتىرىلگەن. بۇلىنگەن جەرلەردى قالپىنا كەلتىرۋ قۇنى 150 ملن تەڭگەدەن اسادى.
تەرگەۋ جالعاسىپ جاتىر.
وزگە اقپارات قر قپك-ءنىڭ 201-بابىنا سايكەس جاريا ەتىلمەيدى.
قر قما ءباسپاسوز قىزمەتى
