ۇزدىك حالىقارالىق پراكتيكالارعا سايكەس دەنساۋلىق ساقتاۋ مينيسترلىگى ەلىمىزدىڭ ءاربىر تۇرعىنى ءۇشىن دەنساۋلىق ساقتاۋداعى بازالىق كەپىلدىكتەردى ىسكە اسىرۋعا جانە مەديتسينالىق كومەكتى قارجىلاندىرۋدىڭ ۇزاق مەرزىمدى تۇراقتىلىعىنا باعىتتالعان بىرقاتار وزگەرىستەر ەنگىزدى.

📌 2024 جىلعى 2 قىركۇيەكتەگى جولداۋىندا مەملەكەت باسشىسى بيۋدجەت مۇمكىندىكتەرى مەن ازاماتتاردىڭ قاجەتتىلىكتەرى بويىنشا تەڭدەستىرىلگەن بازالىق مەملەكەتتىك مەديتسينالىق كومەكتىڭ بىرىڭعاي پاكەتىن قالىپتاستىرۋدى تاپسىردى.

بۇل قادام مىنالارعا باعىتتالعان:

* مەملەكەتتىك جانە ساقتاندىرۋ باعدارلامالارى اراسىنداعى قايتالانۋدى جويۋ;

* پاتسيەنتتەر ءۇشىن دە، دارىگەرلەر ءۇشىن دە مەديتسينالىق قىزمەتتەر تىزبەسىنىڭ ايقىن شەكارالارى مەن اشىقتىعىن قامتاماسىز ەتۋ;

* مەديتسينالىق كومەكتىڭ قولجەتىمدىلىگى مەن ساپاسىن ارتتىرۋ.

2026 جىلدان باستاپ مەديتسينالىق كومەكتىڭ بىرىڭعاي پاكەتىنە كەزەڭ-كەزەڭىمەن كوشۋ باستالادى:

* تمككك مەن ءمامس-ءتى ناقتى اجىراتۋ، قىزمەتتەردىڭ قايتالانۋىن بولدىرماۋ

* اۋرۋلاردىڭ ەرتە پروفيلاكتيكاسىنىڭ قولجەتىمدىلىگى

* ءمامس مارتەبەسىنە قاراماستان بارلىق ازاماتتار ءۇشىن ونكولوگيالىق اۋرۋلاردى انىقتاۋعا ارنالعان سكرينينگتەر

* الەۋمەتتىك ءمانى بار اۋرۋلارعا كۇدىك تۋىنداعان جاعدايدا تەگىن زەرتتەپ-قاراۋلار

* رەسۋرستاردى قايتا ءبولۋ ارقىلى جۇيەنىڭ قارجىلىق تۇراقتىلىعى

* ناقتى ساقتاندىرۋ مودەلىنە جاقىنداۋ

🔬 قارجىلاندىرۋدىڭ ءبىر پاكەتتىك مودەلىنە كوشۋ ءۇشىن دەنساۋلىق ساقتاۋ مينيسترلىگى سىرتقى ساراپشىلارمەن بىرلەسىپ بارلىق مەديتسينالىق قىزمەتتەر مەن ولاردىڭ قۇنىنا اۋقىمدى تالداۋ جۇرگىزدى.

🎯 ءبىزدىڭ باسىمدىعىمىز وزگەرىسسىز قالادى — بۇل الەۋمەتتىك مارتەبەگە قاراماستان حالىقتى مامس/پەن بارىنشا قامتۋ.

______________

🩺 نە وزگەرەدى:

✅ اۋرۋلاردى ەرتە انىقتاۋ:

بىرىڭعاي پاكەت الەۋمەتتىك ءمانى بار اۋرۋلاردى ەرتە دياگنوستيكالاۋ بويىنشا كەپىلدىكتەردى كەڭەيتەدى.

مىسالى، ونكوسكرينينگتەر ساقتاندىرۋ مارتەبەسىنە قاراماستان بارلىق قازاقستاندىقتارعا قولجەتىمدى بولادى.

تمككك پاكەتىندە ونكوسكرينينگتەردىڭ جالپىعا بىردەي قولجەتىمدىلىگى وبىردى ەرتە ساتىسىندا ۋاقتىلى ءتيىمدى دياگنوستيكالاۋعا جانە ەمدەۋگە مۇمكىندىك بەرەدى.

بۇگىنگى تاڭدا تمككك شەڭبەرىندە دياگنوستيكا تەك تۋبەركۋلەز جانە ايتۆ ينفەكتسياسى بويىنشا، قالعان الەۋمەتتىك ءمانى بار اۋرۋلاردى دياگنوستيكالاۋ ءمامس شەڭبەرىندە جۇرگىزىلەتىنىن اتاپ ءوتۋ ماڭىزدى.

بۇل رەتتە ساقتاندىرىلماعان ادامدار مەديتسينالىق قىزمەتتەردىڭ بازالىق پاكەتىنە قول جەتكىزۋدى ساقتايدى، مىسالى:

- ەمحانالارعا العاشقى ءوتىنىش;

- ۆاكتسيناتسيالاۋ جانە ەرتە دياگنوستيكاعا ونكوسكرينينگتەر;

- الەۋمەتتىك ءمانى بار اۋرۋلارعا كۇدىك تۋىنداعان جاعدايدا دياگنوستيكا;

- جەدەل مەديتسينالىق كومەك;

- ومىرگە قاۋىپ توندىرەتىن جاعدايلاردا پاتسيەنتتەرگە شۇعىل مەديتسينالىق كومەك;

- دياگنوستيكا، ەمدەۋ، الدىن الۋ، بارلىق ءاما ءۇشىن تەگىن ادق;

- ينفەكتسيالىق اۋرۋلار كەزىندەگى مەديتسينالىق كومەك;

- قان پرەپاراتتارىمەن قامتاماسىز ەتۋ;

- پاللياتيۆتىك كومەك جانە اۋىر پاتسيەنتتەرگە ۇزاق مەرزىمدى كۇتىم.

ال شەتەلدە قالاي؟

* تەگىن مەملەكەتتىك مەديتسينالىق كومەكتىڭ بىرىڭعاي پاكەتى:

* رەسەيدە - سانيتاريالىق اۆياتسيا، ايتۆ/جيتس، جىنىستىق جولمەن بەرىلەتىن ينفەكتسيالار، تۋبەركۋلەز جانە پسيحيكالىق اۋرۋلار;

* ەستونياداعى مەديتسينالىق كومەك – جەدەل مەديتسينالىق كومەك، ايتۆ/جيتس، ينفەكتسيالار، تۋبەركۋلەز جانە پسيحيكالىق اۋرۋلار;

* ليتۆاداعى مەديتسينالىق كومەك - تەك جەدەل مەديتسينالىق كومەك;

* گەرمانيا مەن نيدەرلاندىدا تەك مەيىرگەرلىك كۇتىم.

دەنساۋلىق ساقتاۋ مينيسترلىگى