تەرگەۋ بارىسىندا OLX قوسىمشاسىنا موت ەسىمدى ءانشىنىڭ كونتسەرتىنە بيلەت ساتامىن دەگەن جالعان حابارلاندىرۋ جاريالاعانى انىقتالدى. ول الدانعان ازاماتتاردان اقشانى ءوزىنىڭ ەمەس، دوسىنىڭ بانك شوتىنا اۋدارۋدى سۇراعان. الايدا ۋادە ەتىلگەن بيلەتتەردى جىبەرمەي، كەيىن حابارلاسقاندارمەن بايلانىسىن ءۇزىپ وتىرعان. كۇدىكتى قىلمىس جاساعانىن تولىق مويىنداپ، ءوز ارەكەتىنە وكىنەتىنىن ايتقان. قازىرگى ۋاقىتتا ونىڭ ۇستىنەن سوتقا دەيىنگى تەرگەپ-تەكسەرۋ امالدارى جۇرگىزىلۋدە. سونداي-اق ونىڭ بۇرىن جاسالعان وسىعان ۇقساس قىلمىستارعاقاتىسى تەكسەرىلىپ جاتىر. پوليتسيا ازاماتتاردى ينتەرنەت ارقىلى جاسالاتىن الاياقتىق ارەكەتتەردەن ساق بولۋعا شاقىرادى. اقشالاي وپەراتسيالار كەزىندە تەكسەرىلمەگەن تۇلعالارعا سەنبەۋگە، رەسمي جانە سەنىمدى دەرەككوزدەردى عانا پايدالانۋعا كەڭەس بەرەدى.
اقپارات كوزى: Polisia.kz
