ونلاين داۋىس بەرۋگە 50 مىڭنان استام ادام قاتىسىپ، ۆولونتەرلەرگە قولداۋ كورسەتتى. بۇل – ەلىمىزدە ۆولونتەرلىك قوزعالىسقا قوعام تاراپىنان قىزىعۋشىلىقتىڭ ارتىپ، ازاماتتىق باستامالارعا قولداۋ كورسەتۋ مادەنيەتىنىڭ نىعايىپ كەلە جاتقانىن كورسەتەدى.
ونلاين داۋىس بەرۋ قورىتىندىسىمەن 15 نوميناتسيانىڭ ارقايسىسى بويىنشا ۇزدىك ون ۇمىتكەر ىرىكتەلدى. كونكۋرستىڭ كەلەسى كەزەڭىندە فيناليستەر كونكۋرس كوميسسياسىنىڭ ساراپتامالىق باعالاۋىنان وتەدى.
5 جەلتوقسان – حالىقارالىق ۆولونتەرلەر كۇنىنە وراي استانا قالاسىندا «جىل ۆولونتەرى» حالىقارالىق سىيلىعىن تابىستاۋ ءراسىمى وتەدى. ءىس-شارا بارىسىندا قوعام يگىلىگى ءۇشىن ايانباي ەڭبەك ەتىپ جۇرگەن ۇزدىك ۆولونتەرلەر ماراپاتتالىپ، جەڭىمپازدار جاريالانادى.
