سالىق جانە كەدەن سالالارىنداعى سوت پراكتيكاسىن تالداۋعا، سونداي-اق جەر قويناۋىن پايدالانۋ ماسەلەلەرىنە ەرەكشە نازار اۋدارىلدى.
فورۋمنىڭ اشىلۋىندا قر پرەمەر-ءمينيسترىنىڭ ءبىرىنشى ورىنباسارى رومان سكليار جانە جوعارعى سوت توراعاسى اسلامبەك مەرعاليەۆ قۇتتىقتاۋ ءسوز سويلەدى. ولار ءوز سوزدەرىندە قازاقستانداعى ينۆەستيتسيالىق تارتىمدىلىعىن دامىتۋ جانە ينۆەستورلاردىڭ قۇقىقتارىن قورعاۋ ماڭىزدىلىعىن اتاپ ءوتتى.
ءوز كەزەگىندە رومان سكليار اتالعان ءىس-شارانىڭ قازىرگى جاعدايداعى وزەكتىلىگىن جانە الەمدىك ەكونوميكاداعى تۋىندايتىن سىن-قاتەرلەر تۋرالى پىكىرىن ءبىلدىردى. قر ۇكىمەتى جانىنداعى ينۆەستيتسيالار تارتۋ كەڭەسىنىڭ (ينۆەستيتسيالىق شتاب) توراعاسى رەتىندە ول ينۆەستورلار ماسەلەلەرى بويىنشا شەشىمدەردىڭ اشىق جانە جەدەل قابىلدانۋىن قامتاماسىز ەتۋدە وسى ينستيتۋتتىڭ ماڭىزدى ءرولىن اتاپ ءوتتى.
سونىمەن قاتار ر. سكليار ينۆەستيتسيالىق ورتانى جاقسارتۋ جونىندەگى جۇمىس شەڭبەرىندە ينۆەستورلاردىڭ پروبلەمالىق ماسەلەلەرىن جۇيەلى باقىلاۋعا جانە مونيتورينگكە ەرەكشە نازار اۋدارىلاتىنى تۋرالى ءمالىم ەتتى.
وسى تۇرعىدا ول قاتىسۋشىلاردىڭ نازارىن ينۆەستيتسيالاردى تارتۋ پروتسەستەرىن تسيفرلاندىرۋ، سونداي-اق ينۆەستيتسيالىق ءوزارا ءىس-قيمىلدىڭ تيىمدىلىگىن ارتتىرۋ بولىپ تابىلاتىن ۇلتتىق تسيفرلىق ينۆەستيتسيالىق پلاتفورمانى ىسكە قوسۋعا اۋداردى.
سونداي-اق فورۋم شەڭبەرىندە سالىق سالۋدى ەسەپتەۋگە بايلانىستى ماسەلەلەر، سالىقتىق اكىمشىلەندىرۋ ماسەلەلەرى، كەدەندىك قۇندى انىقتاۋ ادىستەرى، سونداي-اق قۇقىق قولدانۋ مەن ينۆەستيتسيالىق احۋالعا اسەر ەتۋى مۇمكىن انىقتامالار مەن تەرمينولوگياداعى ءارتۇرلى تاسىلدەر تالقىلاندى.
فورۋم ينۆەستيتسيالىق تاۋەكەلدەردى ازايتۋعا جانە سوت جانە اكىمشىلىك راسىمدەر ارقىلى داۋلى ماسەلەلەردى شەشۋگە باعىتتالعان بەلسەندى پىكىر الماسۋ جانە تاجىريبە الماسۋ الاڭىنا اينالدى. قاتىسۋشىلار سوت پراكتيكاسىن جاقسارتۋ جانە ولاردىڭ مۇددەلەرىن قورعاۋ ءۇشىن ينۆەستورلارمەن جۇمىستىڭ نەگىزگى باعىتتارىن بەلگىلەدى.
ءىس-شاراعا ينۆەستورلار مەن بيزنەس وكىلدەرى، سونداي-اق ينۆەستيتسيالار، قۇقىق جانە ەكونوميكا سالاسىنداعى جەتەكشى ساراپشىلار قاتىستى.
فورۋم سوڭىندا قازاقستاننىڭ ينۆەستيتسيالىق تارتىمدىلىعىن جاقسارتۋ ءۇشىن، ونىڭ ىشىندە ينۆەستورلاردىڭ قۇقىقتىق قورعالۋىن نىعايتۋ، قۇقىقتىق بازانى جانە سوت راسىمدەرىن جەتىلدىرۋ ارقىلى ناقتى جولدار مەن ۇسىنىستار بەلگىلەندى.
