«... قالادا سۋ تاسقىنىنا قارسى بەلسەندى جۇمىستى جالعاستىرامىز. كوممۋنالدىق قىزمەتتەر 4,5 ملن تەكشە مەتردەن استام قار شىعاردى.

قازىرگى ۋاقىتتا جىل باسىنان بەرى ارىق-ناۋا جەلىسىنىڭ 11,5 مىڭ پوگوندى مەترى تازارتىلدى، 8 640 پوگوندى مەتر كوللەكتورلار، 428 باقىلاۋ جانە جاڭبىر قابىلداۋ قۇدىعى جۋىلدى، ستانتسيالارداعى بىرنەشە سورعى جابدىعى اۋىستىرىلدى جانە ت.ب.

سول سياقتى ەسىل وزەنىنىڭ ارناسىنا رەكونسترۋكتسيالاۋ (سۋ رەتتەيتىن بوگەت، 5-كەزەك) جۇرگىزىلدى; نوسەرلى كارىز جۇيەلەرىنە زاڭسىز قوسىلۋدى انىقتاۋ بويىنشا جۇمىس جۇرگىزىلىپ جاتىر، جەكە تۇرعىن ءۇي سەكتورلارىندا رەيدتەر جۇرگىزىلۋدە جانە ت.ب.

اتالعان جۇمىستىڭ ءبارى ءجۇرىپ جاتىر. ازاماتتىق قورعاۋ ورگاندارى، كوممۋنالدىق قىزمەتتەر جانە ت.ب. تۇراقتى دايىندىقتا. ەلدى مەكەندەر مەن سۋ تاسقىنى قاۋپى بار ۋچاسكەلەرگە، سۋ وتكىزۋ قۇرىلىستارىن تازارتۋعا، نوسەرلى كارىز جۇيەلەرىن سالۋعا ەرەكشە نازار اۋدارىلادى»، - دەپ جازدى جەڭىس قاسىمبەك