كەلۋشىلەردىڭ باسىم بولىگى تۇراقتى جۇمىسقا ورنالاسۋ، دەنساۋلىق ساقتاۋ، تۇرعىن ءۇي جانە قوسىمشا ءبىلىم بەرۋ ماسەلەلەرىن كوتەردى.

قىزىلوردا قالاسىنىڭ تۇرعىنى «ءبىرىنشى جانە ەكىنشى توپتاعى مۇگەدەكتىگى بار ادامدار» ساناتى بويىنشا ءۇي كەزەگىنە تۇرعانىنا، باسپانا ماسەلەسىنە توقتالدى. وعان تۇرعىن ءۇي مۇقتاج ادامدارعا كەزەكتىلىك تارتىبىمەن، زاڭ اياسىندا بەرىلەتىنى ءتۇسىندىرىلدى. 

سونىمەن قاتار، جاقىندارىن تۇراقتى جۇمىسقا ورنالاستىرۋدى سۇراعان قالا تۇرعىندارىنىڭ وتىنىشتەرى دە قارالدى. جۇمىس ىزدەۋشىلەرگە زاڭ تالاپتارىنا سايكەس تۇراقتى جۇمىس ورىندارى ۇسىنىلادى. 

قالا تۇرعىنى قابىلداۋعا بالاسىنىڭ مۇگەدەكتىك توبىن قايتا قاراۋ ماسەلەسىمەن كەلگەن. بۇل بويىنشا مەديتسينالىق مەكەمەگە جۇگىنگەن. قازىرگى ۋاقىتتا 2-توپ مۇگەدەكتىگى بار ازامات مەديتسينالىق كومەكپەن، ءتيىستى قۇرالدارمەن قامتاماسىز ەتىلگەن. سونداي-اق بيىل ساناتوري-كۋرورتتىق مەكەمەدە ەم العان. ماماندار مۇگەدەكتىك توبىن وزگەرتۋگە نەگىز جوق ەكەنىن ايتتى.

سىرداريا اۋدانى جەتىكول اۋىلىنىڭ تۇرعىنى ءۇي كەزەگىن قايتا قالپىنا كەلتىرۋدى سۇرادى. ول 2016 جىلدىڭ تامىز ايىندا «جالعىزباستى» ساناتىمەن قىزىلوردا قالاسىنىڭ تۇرعىن ءۇي كەزەگىنە تۇرعان. 

كەيىن اۋىلعا قونىس اۋدارۋىنا بايلانىستى كەزەكتەن شىعارىلعان. قازىرگى تاڭدا اۋداندا تۇرعىن ءۇي كەزەگىندە تۇر. ءوتىنىش يەسىنە كەزەكتىلىككە قاتىستى زاڭ تالاپتارى ءتۇسىندىرىلدى.

قابىلداۋدا كوتەرىلگەن ءاربىر ماسەلە جان-جاقتى قارالىپ، تۇرعىنداردىڭ وتىنىشتەرى بويىنشا جاۋاپتى سالا باسشىلارىنا ناقتى تاپسىرمالار جۇكتەلدى. 

ايتا كەتەيىك، وبلىس اكىمىنىڭ جەكە قابىلداۋىنا جازىلۋ ءۇشىن تۇرعىندار eGov پورتالى، e-Otinish بىرىڭعاي پلاتفورماسىندا نەمەسە اكىمدىككە جازباشا ءوتىنىش قالدىرا الادى.

@قىزىلوردا وبلىسى اكىمىنىڭ ءباسپاسوز قىزمەتى