«زاڭ مەن ءتارتىپ» قاعيداتى اياسىندا جاڭاقورعان اۋداندىق پوليتسيا ءبولىمىنىڭ يۋۆەنالدى پوليتسيا توبىنىڭ ينسپەكتورلارى «تاۋ سامالى» جازعى ساۋىقتىرۋ لاگەرىندە دەمالىپ جاتقان وقۋشىلارمەن پروفيلاكتيكالىق كەزدەسۋ وتكىزدى.

ءىس-شارانىڭ باستى ماقساتى – جاسوسپىرىمدەردىڭ قۇقىقتىق ساۋاتتىلىعىن ارتتىرۋ، قاۋىپسىزدىك ەرەجەلەرىن ساقتاۋ مادەنيەتىن قالىپتاستىرۋ جانە قۇقىق بۇزۋشىلىقتىڭ الدىن الۋ.

كەزدەسۋ بارىسىندا بالالارعا جول قوزعالىسى ەرەجەلەرىن ساقتاۋ، جاياۋ جۇرگىنشىلەردىڭ قاۋىپسىزدىگى، جولدان دۇرىس ءوتۋ ءتارتىبى، سونداي-اق ۆەلوسيپەد، موپەد جانە ەلەكتر ساموكاتىن پايدالانۋ كەزىندەگى قاۋىپسىزدىك تالاپتارى كەڭىنەن ءتۇسىندىرىلدى.

سونىمەن قاتار قوعامدىق ورىندارداعى ءتارتىپ ەرەجەلەرى، بۋللينگ پەن كيبەربۋللينگتىڭ، ءۆانداليزمنىڭ، ۇساق بۇزاقىلىقتىڭ جانە وزگە دە قۇقىق بۇزۋشىلىقتاردىڭ الدىن الۋ، ولاردىڭ زاڭ الدىنداعى جاۋاپكەرشىلىگى تۋرالى جان-جاقتى اقپارات بەرىلدى.

شارا سوڭىندا پوليتسيا قىزمەتكەرلەرى وقۋشىلاردى زاڭ تالاپتارىن قۇرمەتتەۋگە، قوعامدىق ءتارتىپتى ساقتاۋعا جانە ءوز ءومىرى مەن اينالاسىنداعىلاردىڭ قاۋىپسىزدىگىنە جاۋاپكەرشىلىكپەن قاراۋعا شاقىردى. كەزدەسۋ فورماتتا ءوتىپ، وقۋشىلار قۇقىقتىق قاۋىپسىزدىككە قاتىستى وزدەرىن تولعاندىرعان سۇراقتارعا جاۋاپ الدى.

#زاڭمەنتارتىپ

#زاكونيپوريادوك

#قىزىلوردا