استانادا جاستار كۇنىنە وراي «جاس سارباز» اسكەري-پاتريوتتىق قوزعالىسى مەن «جاسىل ەل» ەڭبەك جاساقتارىنىڭ بەلسەندىلەرى قازاقستان رەسپۋبليكاسى قارۋلى كۇشتەرىنىڭ ۇلتتىق اسكەري-پاتريوتتىق ورتالىعىنا ەكسكۋرسيا جاسادى، دەپ حابارلايدى ەلوردا اكىمدىگىنىڭ رەسمي سايتى.
ەكسكۋرسيا بارىسىندا جاستار ورتالىقتىڭ تاريحىمەن تانىسىپ، اسكەري-پاتريوتتىق باعىتتاعى ەكسپوزيتسيالار مەن قۇندى جادىگەرلەردى تاماشالادى. سونداي-اق قازاقستان قارۋلى كۇشتەرىنىڭ قالىپتاسۋ تاريحى مەن اسكەري قىزمەتتىڭ ماڭىزى تۋرالى اقپارات الدى.
ءىس-شارانىڭ ماقساتى – جاستاردىڭ ەل تاريحىنا دەگەن قىزىعۋشىلىعىن ارتتىرۋ، پاتريوتتىق قۇندىلىقتاردى دارىپتەۋ، جاۋاپكەرشىلىك پەن ازاماتتىق بەلسەندىلىكتى قالىپتاستىرۋ.
«جاستاردىڭ ەل تاريحىن تانىپ، اسكەري-پاتريوتتىق قۇندىلىقتاردى بويىنا ءسىڭىرۋى وتە ماڭىزدى. بۇگىنگى ەكسكۋرسيا بارىسىندا ولاردىڭ قىزىعۋشىلىعى مەن بەلسەندىلىگىن كوردىك. وسىنداي تاعىلىمدى كەزدەسۋلەر وتانعا دەگەن سۇيىسپەنشىلىكتى ارتتىرىپ، ەل الدىنداعى جاۋاپكەرشىلىكتى تەرەڭ سەزىنۋگە ىقپال ەتەدى. جاستار – ەلىمىزدىڭ بەلسەندى كۇشى. سوندىقتان ولاردىڭ ءبىلىمدى، وتانسۇيگىش ءارى ەلجاندى ازامات بولىپ قالىپتاسۋىنا بىرگە ۇلەس قوسۋىمىز قاجەت»، – دەدى «جاس سارباز» قوزعالىسىنىڭ استانا قالالىق فيليالىنىڭ توراعاسى ايدارحان ماحانبەت.
استانا قالاسى اكىمدىگى
