ۇستەل تەننيسىنەن قازاقستان قۇراماسىنىڭ وكىلى ءجانيا بەكمۇحامبەتوۆا وزبەكستاننىڭ تاشكەنت قالاسىندا وتكەن WTT Youth Contender حالىقارالىق تۋرنيرىندە توپ جاردى.
قازاقستاندىق سپورتشى U13 جاس ساناتىندا قارسىلاستارىنان باسىم ءتۇستى.
جارىس بارىسىندا بەكمۇحامبەتوۆا التى ماتچ وتكىزىپ، بارلىعىندا جەڭىسكە جەتتى.
فينالدا جەرگىلىكتى سپورتشى ياسمينا نازاروۆانى (وزبەكستان) 3:0 ەسەبىمەن (11:7, 11:3, 11:7) ۇتتى.
قازىرگى تاڭدا ءجانيا بەكمۇحامبەتوۆا الەمدىك رەيتينگتە جەتىنشى ورىندا تۇر.
