كەزدەسۋ بارىسىندا وبلىس اكىمى شوقتىعى بيىك تۇلعامەن ديدارلاسىپ، ادەبيەت جانە رۋحانيات توڭىرەگىندە اڭگىمە ءوربىتتى.
ءوڭىر باسشىسى مۇحتار شاحانوۆتىڭ قازاقتىڭ ءسوز ونەرىندە الار ورنى بولەك ەكەنىن تىلگە تيەك ەتىپ، ونىڭ پوەزياسى – ەلدىڭ ەڭسەسىن تىكتەپ، رۋحىن اسقاقتاتقان ماڭگىلىك مۇرا ەكەنىن ايتتى.
- ءسىزدىڭ جالىندى جىرلارىڭىز ءار قازاقتىڭ جۇرەگىندە جاتتالىپ، سانا تۇكپىرىندە سايراپ تۇر دەسەك، قاتەلەسپەيمىز. اۋليەاتالىقتار دا شاحانوۆ مۇرالارىنا ەرەكشە قۇرمەتپەن قارايدى، - دەدى ەربول قاراشوكەەۆ.
وبلىس اكىمى اقىننىڭ يىعىنا شاپان جاۋىپ، جامبىلدىقتاردىڭ اتىنان سىي-قۇرمەت كورسەتتى.
بۇل كۇنى جامبىلدىقتار مۇحتار شاحانوۆپەن بىرگە ءا. مامبەتوۆ اتىنداعى مەملەكەتتىك دراما جانە كومەديا تەاترى ساحنالاعان «تاناكوز» اتتى مەلودراماسىن تاماشالادى.
