ءوز سوزىندە ايماق باسشىسى وندىرىستىك ينفراقۇرىلىمدى دامىتۋ مەن ينۆەستيتسيا تارتۋ – مەملەكەت باسشىسى جۇكتەگەن نەگىزگى مىندەتتەردىڭ ءبىرى ەكەنىن اتاپ ءوتتى.
– مۇنداي جوبالاردىڭ باستى ماڭىزدىلىعى — تەك ەكونوميكالىق كورسەتكىشتەردە عانا ەمەس، ولاردىڭ حالىقتىڭ ءال-اۋقاتىنا تىكەلەي اسەر ەتەتىنىندە. جاڭا جۇمىس ورىندارى اشىلادى، اۋىل داميدى، جەرگىلىكتى تۇرعىندارعا جاڭا مۇمكىندىكتەر تۋادى. ەڭ باستىسى – ءاربىر تۇرعىن بۇل سۋدى وزىنە ەڭ جاقىن جەردەگى دۇكەننەن ساتىپ الا-الۋىنا جاعداي جاساۋعا ءتيىسپىز. ءبىز جەرگىلىكتى ونىمگە دەگەن سۇرانىستى قالىپتاستىرۋىمىز قاجەت. سوندا عانا اۋىل تۇرعىندارى ءوز اۋداندارىندا اتقارىلىپ جاتقان يگى ىستەرمەن ماقتاناتىن بولادى،– دەدى وبلىس اكىمى.
اتالعان جوبا جەكە ينۆەستيتسيا ەسەبىنەن جۇزەگە اسىرىلعان. جالپى ينۆەستيتسيا كولەمى – 400 ميلليون تەڭگە. زاۋىتتىڭ وندىرىستىك قۋاتتىلىعى تاۋلىگىنە 80 توننا مينەرالدى سۋ وندىرۋگە مۇمكىندىك بەرەدى. العاشقى كەزەڭدە كاسىپورىنعا 15 جەرگىلىكتى تۇرعىن جۇمىسقا قابىلداندى.
«اقساي جۋالى» برەندىمەن شىعارىلاتىن ءونىم ەلىمىزدىڭ ءىرى قالالارىنا – وبلىسىمىزدان بولەك استانا، الماتى، شىمكەنت، قىزىلوردا، اتىراۋ، ورال، اقتاۋ جانە باسقا دا وڭىرلەرگە جەتكىزىلەدى.
ايتا كەتەيىك اعىمداعى جىلدىڭ العاشقى جارتىجىلدىعىندا وبلىستا نەگىزگى كاپيتالعا سالىنعان ينۆەستيتسيا كولەمى 301,8 ملرد. تەڭگەنى قۇراپ، وتكەن جىلدىڭ سايكەس كەزەڭىمەن سالىستىرعاندا 48,1%-عا ارتتى. بيىل جالپى قۇنى 175 ملرد. تەڭگەنى قۇرايتىن 30 ينۆەستيتسيالىق جوبانى جۇزەگە اسىرۋ جوسپارلانىپ وتىر. بۇل جوبالار اياسىندا 1143 جاڭا جۇمىس ورنى اشىلادى.