اتاپ ايتقاندا، GPA 3,33-تەن جوعارى ناتيجە كورسەتكەن جوعارى وقۋ ورىندارىنىڭ تۇلەكتەرىن كونكۋرستىق راسىمدەردەن وتكىزبەي، تىكەلەي ءبىلىم بەرۋ ۇيىمدارىنا جۇمىسقا قابىلداۋ تاجىريبەسى جۇزەگە اسىرىلۋدا. بۇل جوبا – ءبىلىم سالاسىنا ىنتالى جاستاردى تارتۋعا باعىتتالعان قادامداردىڭ ءبىرى.

بۇگىندە وسى باستاما اياسىندا جامبىل وبلىسىندا 105 جاس پەداگوگ كونكۋرسسىز جۇمىسقا قابىلدانىپ، ەڭبەك جولىن باستاپ كەتتى. جوبا اياسىندا جاس ماماندار مەكتەپ ۇجىمىنا جىلدام بەيىمدەلىپ، وقۋ-تاربيە پروتسەسىنە بەلسەندى ارالاسۋدا. ولاردىڭ قاتارىندا ءوز ىسىنە جاۋاپكەرشىلىكپەن قارايتىن، جاڭاشىلدىققا ۇمتىلاتىن، وقۋشىلارعا ساپالى ءبىلىم مەن سانالى تاربيە بەرۋدى ماقسات ەتكەن ۇستازدار بار.

اتالعان جوبا جاس پەداگوگتەردىڭ كاسىبي قالىپتاسۋىنا قولايلى جاعداي جاساپ قانا قويماي، ولاردىڭ ەڭبەك نارىعىنا تەز ءارى ءتيىمدى كىرىگۋىنە مۇمكىندىك بەرەدى. سونىمەن قاتار، بۇل تاجىريبە وڭىردەگى ءبىلىم بەرۋ ۇيىمدارىنداعى كادر تاپشىلىعى ماسەلەسىن شەشۋگە كومەكتەسۋدە.

وقۋ-اعارتۋ مينيسترلىگى