تاراپتار الەۋمەتتىك ماڭىزى بار ازىق-تۇلىك تاۋارلارىنا، ونىڭ ىشىندە كارتوپ پەن ەت باعاسىنىڭ قولجەتىمدى بولۋىنا ەرەكشە نازار اۋداردى. شارۋالاردىڭ ۇلكەن شىعىندارىنا قاراماستان باعانىڭ ءوسىمىن تەجەۋ بويىنشا بىرلەسكەن ءىس-قيمىلدار قاجەتتىگى ايتىلدى.
كەزدەسۋ اياسىندا ءىرى ساۋدا جەلىلەرىندەگى اسسورتيمەنتتىڭ 60% - عا جۋىعى وتاندىق تاۋارلار ەكەندىگى ايتىلدى. بۇل قازاقستاندىق وندىرۋشىلەردىڭ بولشەك ساۋداداعى جوعارى دەڭگەيىن كورسەتەدى.
مينيستر وتاندىق وندىرۋشىلەردىڭ ساۋدا جەلىلەرىنىڭ سورەلەرىنە قولجەتىمدىلىگىن جەڭىلدەتۋ ءۇشىن جەتكىزىلەتىن ءونىمنىڭ ستاندارتتارىن پىسىقتاۋدى ۇسىندى. كومپانيا باسشىلىعى جەتكىزۋشىلەردى قولداۋدىڭ قولدانىستاعى شارالارى تۋرالى حابارلادى جانە جەرگىلىكتى وندىرۋشىلەرمەن ىنتىماقتاستىقتى كەڭەيتۋگە قىزىعۋشىلىق ءبىلدىردى، سونىمەن بىرگە قوسىمشا جىلجىتۋ قىزمەتتەرىن پايدالانۋ ەرىكتىلىگىن اتاپ ءوتتى.
Magnum كومپانياسىنىڭ باسشىسى ياكوۆ فيشمان ساۋدا جەلىلەرى جەتكىزۋشىلەرگە ءوز تاۋارلارىن ىلگەرىلەتۋ ءۇشىن قانداي قىزمەتتەر كورسەتەتىنى تۋرالى ايتتى. وسى ىنتىماقتاستىقتىڭ ارقاسىندا قازاقستاندىق برەندتەردىڭ تانىمالدىعى ارتىپ كەلەدى. وتاندىق وندىرۋشىلەردىڭ ساتىلىمى ارتىپ، ءوندىرىس دامىپ، جاڭا جۇمىس ورىندارى اشىلۋدا. ساۋدا جەلىسىنىڭ باسشىسى تاۋارلاردى ىلگەرىلەتۋ قىزمەتتەرى مىندەتتى ەمەس ەكەنىن ەرەكشە اتاپ ءوتتى. ءار سەرىكتەس وزىنە قاجەت نارسەنى ءوزى تاڭداي الادى.
كەزدەسۋ قورىتىندىسى بويىنشا ساۋدا مينيسترلىگىنىڭ قولداۋىمەن جەتكىزۋشىلەر فورۋمىن وتكىزۋ تۋرالى ۋاعدالاستىققا قول جەتكىزىلدى. الاڭ ءىرى ساۋدا جەلىلەرىمەن جۇمىس ىستەۋ شارتتارىن تالقىلاۋعا جانە قازاقستاندىقتاردىڭ قولجەتىمدى باعادا ساپالى وتاندىق ونىمگە قولجەتىمدىلىگىن كەڭەيتۋگە مۇمكىندىك بەرەدى.
ساۋدا جانە ينتەگراتسيا مينيسترلىگى
