وزدەرىن اقش-تا تىركەلگەن جانە ەلەكتر ساموكاتتارىن وندىرەتىن ءىرى كومپانيا رەتىندە تانىستىرىپ، كۇدىكتىلەر ازاماتتارعا جوعارى تابىس ۋادە ەتكەن.

الايدا، ءىس جۇزىندە ەلەكتر ساموكاتتارىن ساتۋمەن اينالىسپاعان; سالىمشىلارعا تولەمدەر تەك جاڭا قاتىسۋشىلاردىڭ ەسەبىنەن جاسالعان.

سالىمشىلارعا سالىم سوماسىنا بايلانىستى كۇنىنە 12-دەن 690 دوللارعا دەيىن تولەمدەر ۇسىنىلعان. جاڭا قاتىسۋشىلاردى تارتقانى ءۇشىن قوسىمشا بونۋس ۋادە ەتكەن.

ناتيجەسىندە 115 ادام پيراميداعا 197 ميلليون تەڭگەدەن استام قاراجات سالعان.

تەرگەۋ كەزىندە كۇدىكتىلەر سالىمشىلاردىڭ اقشاسىن OKX كريپتو ءاميانىنا اۋدارىپ، ودان كەيىن فياتتىق اقشاعا ايىرباستاپ، بانك شوتتارىنا شىعارعانى انىقتالدى.

زاڭسىز كىرىستەر ەسەبىنەن اقتوبە قالاسىندا 2 پاتەر مەن 3 اۆتوكولىك ساتىپ الىنىپ، جاسىرۋ ماقساتىندا جاقىن تۋىستارىنا راسىمدەلگەن.

سوت سانكتسياسىمەن اتالعان مۇلىككە تىيىم سالىندى.

سوتقا دەيىنگى تەرگەۋ اياقتالىپ، قىلمىستىق ءىس سوتقا جولداندى.

قر قپك-ءنىڭ 201-بابى بويىنشا باسقا اقپارات جاريا ەتىلمەيدى.

ايتا كەتەيىك، قازىرگى تاڭدا ەلىمىزدىڭ 6 وڭىرىندە — الماتى، اتىراۋ، جامبىل، قىزىلوردا وبلىستارى مەن نۇر-سۇلتان جانە الماتى قالالارىندا «HRT» قارجىلىق پيراميداسىنىڭ قۇرىلىمدىق بولىمشەلەرىن قۇرۋ دەرەگى بويىنشا سوتقا دەيىنگى تەرگەۋ ءجۇرىپ جاتىر.