ق.ج.توقاەۆتىڭ تاپسىرماسىمەن الماتىدا «ABAI ULTTYQ MEKTEBI» العاشقى ۇلتتىق مەكتەبىنىڭ قۇرىلىسى باستالدى. جاڭا ءبىلىم بەرۋ ۇيىمى اباي فيلوسوفياسىنا، ونىڭ ىشىندە «بەس اسىل ءىس» يدەياسىنا نەگىزدەلگەن. بۇل مەكتەپتە قازاق ءتىلى مەن ادەبيەتى تەرەڭدەتىلىپ وقىتىلادى. ول ءۇشىن قازىرگى جۇمىس جاساپ تۇرعان اباي اتىنداعى مەكتەپ-ينتەرناتىنىڭ الەۋەتى تولىقتاي پايدالانىلادى.

ينكليۋزيالىق ساياساتتى ءبىلىم بەرۋدىڭ بارلىق دەڭگەيىندە جۇزەگە اسىرۋ ماقساتىندا ۇلتتىق عىلىمي-پراكتيكالىق ۇزدىكسىز ينكليۋزيۆتى ءبىلىم بەرۋ ورتالىعىن قۇرۋ تۋرالى شەشىم قابىلداندى. ونىڭ قىزمەتىنە ادىستەمەلىك سۇيەمەلدەۋ، زەرتتەۋلەر جۇرگىزۋ، ءبىلىم الۋداعى قيىندىقتاردى انىقتاۋ جانە الدىن الۋ، سونداي-اق پسيحولوگيالىق-پەداگوگيكالىق سۇيەمەلدەۋ قىزمەتتەرىن ۇيلەستىرۋ جاتادى. اسىرەسە، ايتا كەتۋ كەرەك، مەكتەپ كىتاپحانالارىن مودەرنيزاتسيالاۋ، ءبىلىم الۋشىلاردىڭ كىتاپ وقۋعا قىزىعۋشىلىعىن ارتتىرۋعا باسىمدىق بەرىلۋدە. وسى باستامالاردىڭ اياسىندا العاشقى قازىعى 1932 جىلى قاعىلعان رەسپۋبليكالىق عىلىمي-پەداگوگيكالىق كىتاپحانانى ترانسفورماتسيالاۋ جۇرگىزىلۋدە. بۇگىندە ونىڭ قورىندا 400 مىڭنان استام كىتاپ پەن 3 مىڭنان استام عىلىمي پەداگوگيكالىق ەڭبەك بار. بۇدان بولەك، مەكتەپ كىتاپحاناشىلارىنىڭ بىلىكتىلىگىن ارتتىرۋ كۋرستارى دا وتكىزىلىپ تۇرادى. 2024 جىلى كوللەدجدەر مەن مەكتەپتەردەن 1 775 مامان وقۋدان ءوتتى. جۇرگىزىلگەن جۇمىستاردىڭ ارقاسىندا ەلىمىزدىڭ مەكتەپ كىتاپحانالارىنىڭ قورى 1,6 ملن كوركەم ادەبيەتپەن تولىعىپ، جالپى قور سانى 141 ملن كىتاپتان استى. كەزدەسۋ سوڭىندا وقۋ-اعارتۋ ءمينيسترى عاني بەيسەمباەۆ بۇل باعىتتاعى جۇمىستاردى جانداندىرۋدىڭ ماڭىزدىلىعىن جانە وعان ءبىلىم بەرۋ جۇيەسىنىڭ بارلىق دەڭگەيىندە باسىمىق بەرۋ كەرەك ەكەنىن اتاپ ءوتتى. ول ءاربىر جوبا ءۇشىن ءىس-شارالار جوسپارىن ازىرلەۋدى جانە وعان تۇراقتى مونيتورينگىلەۋ جۇرگىزە وتىرىپ، ءتيىمدى جۇزەگە اسىرىلۋىن قامتاماسىز ەتۋدى تاپسىردى.

ءباسپاسوز قىزمەتى