ەسكە سالساق، الماتى وبلىسى ىلە اۋدانىنىڭ "قازپوشتا" اق بولىمشەسىنە جالپى سالماعى 800 گراممعا جۋىق كاننابيس سىعىندىسى (گاشيش مايى) ەسىرتكى زاتى بار پوشتا جونەلتىلىمى كەلىپ تۇسكەن.

جەدەل ءىس-شارالار بارىسىندا كۇدىكتىنىڭ "Telegram" مەسسەندجەرىن پايدالانىپ، تايلاندتان ەسىرتكىگە تاپسىرىس بەرگەنى بەلگىلى بولدى.

پوشتا جونەلتىلىمىن اشۋ كەزىندە كوسمەتيكالىق زاتتار تۇرىندە جاسىرىلعان 8 بانكانىڭ ىشىندە ەسىرتكى زاتتارى انىقتالدى.

سوت ۇكىمىمەن كىنالى تۇلعاعا 16 جىلعا باس بوستاندىعىنان ايىرۋ جازاسى تاعايىندالىپ، تاركىلەنگەن ەسىرتكى جويىلدى.

جالپى، 2024 جىلدىڭ باسىنان باستاپ قما كونتراباندا جانە ەسىرتكى قۇرالدارىنىڭ زاڭسىز اينالىمى فاكتىلەرىنە قاتىستى 135 قىلمىستىق ءىس تىركەدى.

سونىمەن قاتار، 77,1 كگ ەسىرتكى قۇرالدار، 3,2 كگ پسيحوتروپتىق زاتتار، 206 مىڭ انابوليكتەر (ۋلى زات) جانە 1 700 «تروپيكاميد» كوز تامشىلارى تاركىلەندى.

قارجىلىق مونيتورينگ اگەنتتىگى ەسىرتكى كونترابانداسى قاتاڭ قىلمىستىق جاۋاپكەرشىلىكتى كوزدەيتىن اۋىر قىلمىس ەكەنىن ەسكە سالادى.

ەگەر سىزگە ەكونوميكالىق قۇقىق بۇزۋشىلىق جاساۋ فاكتىلەرى بەلگىلى بولسا، بۇل تۋرالى "افم Insider" تەلەگرام بوتىنا حابارلاۋىڭىزدى سۇرايمىز.

انونيمدىلىككە كەپىلدىك بەرىلەدى

قارجىلىق مونيتورينگ اگەنتتىگى