ەلوردادا گاز تاراتۋ جەلىلەرىنىڭ قۇرىلىسى ءۇش كەزەڭگە بولىنگەن. 2023 جىلى ەكى كەزەڭنىڭ قۇرىلىسى اياقتالىپ، سارىارقا، الماتى، ەسىل جانە نۇرا اۋداندارىنىڭ تۇرعىندارىن قوسۋعا مۇمكىندىك بەردى.

سونداي-اق «تۇران»، «تەلمان»، «وڭتۇستىك-شىعىس» گاز جىلىتۋ ستانتسيالارىنا جانە يلينكا، تەلمان، پريگورودنىي، Family Village, ءوندىرىس، كيرپيچنىي ەلدى مەكەندەرىن گازبەن قامتۋ جەلىلەرىنىڭ قۇرىلىسى اياقتالدى.

جىلۋ ەلەكتر ستانتسيالارىنداعى 16 قازاندىق پەن 20 الەۋمەتتىك نىسان گازعا كوشىرىلدى. الەۋمەتتىك نىسانداردى ديزەلدىك وتىننان گازعا كوشىرۋ وتكەن جىلىتۋ ماۋسىمىندا 977 ميلليون تەڭگە بيۋدجەتتى ۇنەمدەۋگە مۇمكىندىك بەردى.

ءۇشىنشى كەزەڭ اياسىندا 2024 جىلدان 2026 جىلعا دەيىن جۇمىستار جوسپارلانعان.

«بۇگىندە قالادا 800 شاقىرىم گازبەن قامتۋ جەلىسى، 27 گاز تاراتۋ پۋنكتى، 58 شكافتىق گاز تاراتۋ پۋنكتى جۇمىس ىستەيدى. 216 مىڭعا جۋىق ادامدى قامتيتىن 14 مىڭ ابونەنت گازبەن قامتىلعان. گازداندىرۋعا جاتاتىن حالىقتىڭ جالپى سانى 300 مىڭ ادامدى قۇرايدى. 12 مىڭنان استام ابونەنت گازعا قوسىلعان»، - دەدى نۇرلان كۇپەشوۆ.

جەكە تۇلعالار ءۇشىن گاز ءتاريفى 2025 جىلدىڭ 1 قاڭتارىنان باستاپ تەكشە مەترىنە 38,9 تەڭگە بولىپ بەكىتىلدى. اۋدانى 100 شارشى مەتر بولاتىن ءۇي ءۇشىن گازبەن جىلىتۋدىڭ قۇنى شامامەن ايىنا 17-20 مىڭ تەڭگە، 120 ش.م. – ايىنا 20-25 مىڭ تەڭگە