قازاقستان جاعدايىندا قالاي؟ ءبىزدىڭ وعان الەۋەتىمىز تولىققاندى جەتەدى مە؟ وسى سۇراق ەلدىڭ اۆتونارىعىن زەرتتەپ جۇرگەن ازاماتتار ءۇشىن قىزىقتى تاقىرىپقا اينالدى. قازاق ەلى نارىقتىق قاتىناس قاعيداتتارىنا سايكەس، بارلىق اۆتووندىرۋشىلەرمەن تەرەزەلەس كەلىسىمدەر جاساي الادى. سوعان قاراماستان، اۆتونارىقتا كولىكتەردىڭ باعاسى اسپانداپ تۇر؟ نەلىكتەن؟ بۇعان قانداي فاكتورلار اسەر ەتەدى؟

جاۋاپتى ىزدەمەس بۇرىن، ەسكى قازاقستان نارىعىن بيلەگەن وليگارحتار ەسكە تۇسەدى؟ ءيا ، ولاردىڭ اۆتونارىقتى ەركىندىككە جىبەرۋگە مۇددەلى ەمەستىگى انىق. اقشادان، جەپ وتىرعان نانىنان ايىرىلعىسى جوق. سوندىقتان، ءتۇرلى سىلتاۋلارمەن مەملەكەتتىك سالىق پەن كورىنبەيتىن تولەمدەر ەنگىزىپ قويعان. بۇل جۇيەمەن قانشا كۇرەسسەك تە، ءالى تولىق شەشىمىن تاپپادى. قازىرگى جاعداي وسىلاي جالعاسا بەرسە، الەمدىك نارىقتاعى ەسكى-قۇستى تەمىر تەرسەكتەر ءبىزدىڭ نارىققا كىرىپ كەتۋى مۇمكىن. سوعان قاراماستان، قازاقستان ۇكىمەتى ەلەكتروموبيلدەردى باجسىز اكەلۋ مەرزىمى ەكى جىلعا ۇزارتىلاتىنىن ايتىپ وتىر. پرەمەر-ءمينيستردىڭ ورىنباسارى سەرىك جۇمانعارين، وسى ساناتتاعى 30 مىڭ اۆتوكولىكتى باجسىز، سالىقسىز اكەلۋگە بولادى دەگەندى ايتىپ وتىر. وداق بويىنشا بەرىلگەن كۆوتا مولشەرى وسىنداي ەكەن. جالپى ، الەمدىك نارىققا تولىقتاي ەنەمىز دەسەك، قازىردەن ەلەكتروموبيلدەردى كوپتەپ كىرگىزۋ كەرەك. بۇدان قاراپايىم حالىق تا، ۇكىمەت تە ۇتاتىنى انىق.

فوتو ينتەرنەتتەن الىندى