وعان وبلىس اكىمى مۇرات ەرگەشباەۆ، وبلىستىق ءماسليحات توراعاسى مۇرات تلەۋمبەتوۆ، زيالى قاۋىم وكىلدەرى مەن سالا ارداگەرلەرى قاتىستى.
ايماق باسشىسى قۇرىلىسشىلاردىڭ ءوڭىردى دامىتۋداعى ەسەلى ەڭبەكتەرىن جوعارى باعالادى.
«بارشاڭىزدى كاسىبي مەرەكەلەرىڭىز – قۇرىلىسشىلار كۇنىمەن شىن جۇرەكتەن قۇتتىقتايمىن! قۇرىلىسشى – قوعامداعى ەڭ قادىرلى، ەڭ جاسامپاز ماماندىقتاردىڭ ءبىرى.
مەملەكەت باسشىسى قاسىم-جومارت كەمەلۇلى «ەلىمىزدە نەعۇرلىم قۇرىلىس كوپ بولسا، قازاقستان دا سوعۇرلىم وركەندەي بەرەدى. ەڭ الدىمەن، بۇل – نەگىزگى ينفراقۇرىلىمعا قاتىستى ماقسات. ءبىز تەمىرجولداردى، اۆتوجولداردى، اۋەجايلاردى، ۆوكزالداردى، سۋمەن قامتاماسىز ەتەتىن ءىرى قۇرىلعىلاردى، ءوندىرىس جانە ءونىم كاسىپورىندارىن، قالا عيماراتتارىن جانە تاعى باسقا نىسانداردى جوعارى قارقىنمەن سالۋىمىز كەرەك» دەگەن بولاتىن.
سىر بويىنداعى قۇرىلىس شەجىرەسىنىڭ تامىرى تەرەڭدە جاتىر. كونە شىرىك رابات، سىعاناق پەن جانكەنت شاھارلارىنان باستاۋ العان ساۋلەت ونەرىنىڭ ءداستۇرى بۇگىنگى زاماناۋي قۇرىلىسپەن ساباقتاسادى.
پرەزيدەنتىمىزدىڭ، ۇكىمەتتىڭ ەرەكشە قولداۋىمەن سىر ءوڭىرى قارقىندى قۇرىلىس الاڭىنا اينالدى. ايماعىمىزدا 2022 جىلدان بەرى 270-تەن استام الەۋمەتتىك نىسان سالىنىپ، 46 ءبىلىم بەرۋ، 45 دەنساۋلىق ساقتاۋ، 22 مادەنيەت، 27 سپورت نىسانى حالىق يگىلىگىنە بەرىلدى.
مەملەكەت باسشىسىنىڭ قولداۋىمەن قورقىت اتا اۋەجايىنىڭ جاڭا تەرمينالى، زاماناۋي ۇلگىدەگى اۆتوۆوكزال عيماراتى ىسكە قوسىلدى. «قازاقستان تەمىر جولى» كومپانياسىنىڭ، جەرگىلىكتى كاسىپكەرلەردىڭ دەمەۋشىلىگىمەن قىزىلوردا تەمىرجول ۆوكزالى كۇردەلى جوندەۋدەن ءوتتى. پرەزيدەنتىمىزدىڭ تاپسىرماسىمەن بارلىق اۋدانداعى تەمىرجول ۆوكزالدارى قايتا جاڭعىرتىلدى.
بيىل 28 جوبانىڭ قۇرىلىسىنا بيۋدجەتتەن 177 ملرد. تەڭگە ءبولىندى. بۇگىندە سول جاعالاۋداعى 100 كەلۋشىگە ارنالعان ەمحاناسى جانە ونكولوگيالىق بولىمشەسى بار 300 ورىندىق كوپبەيىندى اۋرۋحانا، 500 كەلۋشىگە ارنالعان ەمحانا، تيتوۆ شاعىن اۋدانىندا 400 ورىندىق № 5 ەمحانا عيماراتى، 200 ورىندىق پەريناتالدىق ورتالىق جانە «قىزىلوردا ارەنا» كوپفۋنكتسيونالدى سپورت كەشەنى سالىنۋدا.
مەملەكەت باسشىسىنىڭ ۇلتتىق قۇرىلتايدىڭ بەسىنشى وتىرىسىندا بەرگەن تاپسىرماسىنا سايكەس قالامىزدا تاۋلىك بويى جۇمىس ىستەيتىن زاماناۋي كىتاپحانا مەن جاڭا دراما تەاتردىڭ قۇرىلىسى باستالدى.
وسى رەتتە ەل يگىلىگىنە ادال قىزمەت ەتىپ جۇرگەن قۇرىش قولدى قۇرىلىسشىلارعا وبلىس حالقىنىڭ اتىنان شەكسىز العىسىمدى بىلدىرەمىن! سىزدەرگە سارقىلماس كۇش-قۋات، وتباسىلارىڭىزعا قۇت-بەرەكە، دەندەرىڭىزگە ساۋلىق تىلەيمىن!»، - دەدى مۇرات نالقوجاۇلى.
سالتاناتتى شارادا قۇرىلىس سالاسىنىڭ ۇزدىكتەرى قر پرەمەر-ءمينيسترىنىڭ ءبىرىنشى ورىنباسارى نۇرلىبەك نالىباەۆتىڭ العىس حاتىمەن، ونەركاسىپ جانە قۇرىلىس مينيسترلىگىنىڭ «قۇرمەتتى قۇرىلىسشى» توسبەلگىسىمەن، قۇرمەت گراموتاسىمەن جانە العىس حاتىمەن، قىزىلوردا وبلىسىنىڭ قۇرمەت گراموتاسىمەن، «قىزىلوردا وبلىسىنىڭ دامۋىنا قوسقان ۇلەسى ءۇشىن» مەدالىمەن، وبلىس اكىمىنىڭ العىس حاتىمەن ماراپاتتالدى.
مەرەكەلىك ءىس-شارادا ەسترادا ءانشىسى، قازاقستاننىڭ ەڭبەك سىڭىرگەن قايراتكەرى ايگەرىم قالاۋباەۆا جانە سىر ونەرپازدارى اننەن شاشۋ شاشتى.
ايماقتا تۇرعىنداردى باسپانامەن قامتاماسىز ەتۋگە باعىتتالعان جوبالار ناتيجەلى ىسكە اسۋدا.
سوڭعى ءتورت جىلدا 7600 پاتەر بەرىلىپ، 30 مىڭنان استام تۇرعىن باسپانالى بولدى.
2026-2027 جىلدارى 6200-دەن استام پاتەر
تابىستاۋ، 25 مىڭعا جۋىق تۇرعىننىڭ باسپانا ماسەلەسىن شەشۋ جوسپارلانعان. ونىڭ 1200 پاتەرى اۋدان ورتالىقتارىندا سالىنىپ جاتىر.
جىل سوڭىنا دەيىن قۇرىلىس جۇمىستارىنىڭ ناقتى ورىندالعان كولەمىن 369 ملرد. تەڭگەگە جەتكىزۋ كوزدەلۋدە.
جاقىندا عانا پرەزيدەنتتىڭ قاتىسۋىمەن ستراتەگيالىق ينفراقۇرىلىمدىق جوبالاردىڭ ءبىرى - «قىزىلوردا – سەكسەۋىل»، «ۇلعايسىن – سەكسەۋىل» جانە «بەينەۋ – سەكسەۋىل» اۆتوكولىك جولدارىنىڭ قۇرىلىسى رەسمي تۇردە باستاۋ الدى.
«قازاتومونەركاسىپ» ۇلتتىق اتوم كومپانياسىنىڭ دەمەۋشىلىگىمەن 2,9 ملرد. تەڭگەگە جۋىق قارجىعا جاڭاقورعان، شيەلى اۋداندارىندا ەكى سپورت كەشەنى، اۋىلدىق كلۋب پەن ەمحانا قۇرىلىسى بيىل باستالادى.
قىزىلوردا وبلىسى اكىمىنىڭ ءباسپاسوز قىزمەتى
