قالا تۇرعىنى ولگا مۋنتيانوۆا ەكىباستۇز قالالىق پوليتسيا باسقارماسىنىڭ تەرگەۋشىسى گۇلدانا كاريمباەۆاعا شىنايى العىسىن ءبىلدىردى. ونىڭ ايتۋىنشا ءتارتىپ ساقشىسى ءوز ىسىنە جوعارى جاۋاپكەرشىلىكپەن قاراپ، ازاماتتاردىڭ قۇقىقتارىن قورعاۋدا ادامگەرشىلىك پەن كاسىبيلىكتىڭ جارقىن ۇلگىسىن كورسەتتى. وقيعا جاعىمسىز جاعدايدان باستالعان. تۇرعىن جيھاز جاساۋعا تاپسىرىس بەرىپ، الدىن الا اقىسىن تولەگەنىمەن، شەبەر ۋادە ەتىلگەن مەرزىمدە جۇمىسىن ورىنداماي، بايلانىسقا شىقپاي قويعان. مۇنداي جاعدايدا كوپشىلىك ناتيجە بولمايدى دەپ ءۇمىتىن ۇزەتىنى بەلگىلى. الايدا بىرنەشە رەت بايلانىسۋ ارەكەتتەرى ناتيجە بەرمەگەن سوڭ، ازامات پوليتسيا كومەگىنە جۇگىنەدى. تەرگەۋشى گۇلدانا كاريمباەۆا ارىزدى جان-جاقتى قاراپ، قىسقا مەرزىم ىشىندە تەكسەرۋ جۇمىستارىن جۇرگىزىپ، ادال ەمەس جيھاز جاساۋشىنىڭ جەكە باسىن انىقتادى. ونىڭ تاباندىلىعى مەن كاسىبي ۇستانىمىنىڭ ارقاسىندا شەبەر قايتا بايلانىسقا شىعىپ، ۋادە ەتىلگەن جۇمىستى تولىق اياقتادى. – ادىلدىك ورناپ، ءوز قۇقىعىم قورعالعانىنا ريزامىن. تەرگەۋشى گۇلدانا كاريمباەۆا ءىستى ۇلكەن جاۋاپكەرشىلىكپەن جۇرگىزىپ، مەنىڭ ماسەلەمە بەيجاي قارامادى. وسىنداي ءوز ىسىنە ادال قىزمەتكەرلەر قۇقىق قورعاۋ ورگاندارىنا دەگەن سەنىمدى ارتتىرادى، – دەدى ولگا مۋنتيانوۆا. بۇل وقيعا – قۇقىق قورعاۋ ورگاندارى قىزمەتىنىڭ ءمانى تەك رەسمي قۇجاتتارمەن شەكتەلمەيتىنىن، ونىڭ ار جاعىندا ازاماتتاردىڭ تاعدىرى مەن زاڭدى مۇددەلەرىن قورعاۋ جاتقانىن ايقىن كورسەتەدى.

اقپارات كوزى Polisia.kz سايتىندا: https://polisia.kz/ekibastuz-turghyny-tergeushige-alghys-bildirdi/