بەينەروليكتە جاتتىعۋ اياقتالعان سوڭ بەكزات ىنتالاندىرۋ رەتىندە شاكىرتتەرىنە وتاندىق ءوندىرىستىڭ شوكولادىن تاراتادى جانە «دۋباي ەمەس، ءوزىمىزدىڭ قازاقستان شوكولادى» دەپ ايتادى.
سپورتشىنىڭ «دۋباي ەمەس، قازاقستان شوكولادى!» ترەندىن باسقا دا بلوگەرلەر قولداپ اكەتتى.
ب.جالەل ءوز وقۋشىلارىمەن جۇمىس ىستەۋدەگى ەرەكشە تاسىلدەرىمەن بۇرىننان تانىمال. ول – شاكىرتتەرىنە تەك فيزيكالىق داعدىلاردى ەمەس، پاتريوتيزم مەن وتاندى ءسۇيۋدى ۇيرەتەتىن ناعىز تالىمگەر.
جاتتىقتىرۋشىلىق جۇمىسى مەن ۆيرۋسقا اينالعان بەينەروليكتەر جاساۋدان بولەك، بەكزات جالەلدىڭ سپورت سالاسىندا دا مول تاجىريبەسى بار. ول كيكبوكسينگتەن جۇلدەگەر، تاەكۆون-دو ITF بويىنشا بىرنەشە مارتە چەمپيون جانە دجيت كۋن-دو چەمپيوناتتارىن ءۇش رەت جەڭىپ العان سپورتشى.
«دۋباي ەمەس، قازاقستان شوكولادى» ترەندىن تانىمال تەلەجۇرگىزۋشىلەر، بلوگەرلەر، اكتەرلەر جانە ەلدىڭ باسقا دا ازاماتتارى قولداپ جاتىر. قازىردىڭ وزىندە #نەدۋبايسكيا_كازاحستانسكي #RepublicDay🇰🇿 حەشتەگىمەن جۇزدەگەن بەينەروليكتى كورۋگە بولادى.
