«دوستىق» باسسەينىندە ۇيىمداستىرىلعان العاشقى دارىستە جاس سپورتشىلار دميتري بالاندينمەن بىرگە جاتتىعۋ جاساۋعا مۇمكىندىك الدى. ءىنى-قارىنداستارىنا ءجۇزۋ سپورتىنىڭ براسس، باتتەرفلياي، شالقالاپ ءجۇزۋ جانە ت.ب. تاسىلدەرىن كورسەتكەن چەمپيون اقتوبەنىڭ ءجۇزۋ سپورتىنداعى جەتىستىكتەرىن اتاپ ءوتتى.

«وسىناۋ ادەمى قالا اقتوبەگە شەبەرلىك ساعاتىن وتكىزۋ ءۇشىن ارنايى كەلدىم. بالالار وتە تالانتتى، قىزىعۋشىلىعى جوعارى. ولارمەن وي ءبولىسىپ، پىكىر الماسقان ماعان دا ۇنادى. شەبەرلىك ساعاتىندا ءوزىمنىڭ ءادىس-تاسىلدەرىممەن، تاجىربيەممەن ءبولىستىم. اقتوبەنىڭ ءجۇزۋ سپورتى قارقىندى دامىعان، دامىپ كەلەدى. مۇنداعى جاتتىقتىرۋشىلار قۇرامى دا قۇرمەتكە لايىق. سپورتشىلاردىڭ دا الەۋەتى زور. ەل نامىسىن اسقاتاتار چەمپيوندار شىعاتىنىنا سەنىمدىمىن. جالپى، جاستارعا پايدام تيگەنىنە ءدان ريزامىن»، - دەدى ول.

سپورتشى اقتوبەدە وتەتىن جۇزۋدەن وبلىستىق چەمپيوناتقا قاتىسادى. ول قاتىسۋشىلاردىڭ قارىم-قابىلەتىنە نازار اۋدارىپ، باعىت-باعدار بەرمەك. ال جارىسقا قالا مەن اۋدانداردان 500-گە تارتا سپورتشى قاتىسادى دەپ كۇتىلۋدە.

اكىمدىكتىڭ ءباسپاسوز قىزمەتى