قازاقستان رەسپۋبليكاسىنىڭ مادەنيەت جانە اقپارات مينيسترلىگى، ءدىن ىستەرى كوميتەتىنىڭ قولداۋىمەن رەسپۋبليكالىق دەڭگەيدەگى اقپاراتتىق ءتۇسىندىرۋ توبى مۇشەلەرى استانا قالاسىنىڭ تۇرعىندارىمەن كەزدەسىپ، اقپاراتتىق ءتۇسىندىرۋ جۇرگىزدى.

اتالعان كەزدەسۋ جۇمىسىنىڭ ماقساتى حالىقتىڭ دىنتانۋلىق ساۋاتتىلىعىن ارتتىرۋ جانە ءدىن سالاسىنداعى مەملەكەتتىك ساياساتتى ءتۇسىندىرۋ جۇمىسىن جۇرگىزۋ ارقىلى قوعامدا جالعان ءدىني يدەيالاردىڭ تارالۋىن بولدىرماۋ جانە ءدىني ەكسترەميزمنىڭ الدىن الۋ بولىپ سانالادى.

اتالعان باعىتتا جالپى سانى 20 ءىس-شارا ۇيىمداستىرىلىپ، 700-دەن استام ادام قامتىلدى.

اتالعان ءىس-شاراعا «Qamqor-Astana» قق «اقپاراتتىق-ءتۇسىندىرۋ جۇمىسى» ءبولىمىنىڭ لەكتورى ارمان نۇراحمەتۇلى، «ءدىنتانۋشىلار كونگرەسى» قب توراعا ورىنباسارى ارۋلان قۋاتوۆ، «Qamqor-Astana» قق تەولوگى داستان ساقان، «Qamqor-Astana» قق ءبولىم باسشىسى نۇرسۇلتان جانشين، ءدىنتانۋشى، پسيحولوگ سەكىلدى ءدىن ماسەلەلەرى بويىنشا رەسپۋبليكالىق دەڭگەيدەگى اقپاراتتىق ءتۇسىندىرۋ توبىنىڭ مۇشەلەرى قاتىستى.

ءتۇسىندىرۋ توبىنىڭ مۇشەلەرى حالىق اراسىندا «ينتەرنەت كەڭىستىگى ارقىلى تاراتىلاتىن دەسترۋكتيۆتى ءدىني اعىم يدەولوگياسىنىڭ قاۋىپتىلىگى»، «ەلىمىزدىڭ ءدىن سالاسىنداعى مەملەكەتتىك ساياساتتىڭ ءمانى»، «الەۋمەتتىك جەلىلەردەگى دەسترۋكتيۆتى ءدىني اعىمداردىڭ زيانى»، «دەسترۋكتيۆتى جالعان ءدىني جانە راديكالدى يدەيالاردىڭ قاۋىپتىلىگى»، «زايىرلىلىق تۇسىنىگى جانە ونىڭ ماڭىزدىلىعى» جانە ت.ب تاقىرىپتاردا ءتۇسىندىرۋ جۇرگىزدى.

كەزدەسۋ بارىسىنداعى اقپاراتتىق-ءتۇسىندىرۋ جۇمىسى اياسىندا جەرگىلىكتى تۇرعىندار، اسكەري قىزمەتكەرلەر، مەكتەپ وقۋشىلارى، مەملەكەتتىك قىزمەتشىلەر، جاستار، ءوزىن-ءوزى جۇمىسپەن قامتىعاندار، سپورتشىلار مەن جاتتىقتىرۋشىلار جانە ت.ب. تۇرعىندار قامتىلدى.