قارجىلىق مونيتورينگ اگەنتتىگى دارىلىك پرەپاراتتاردى ساتىپ الۋ كەزىندە مۇلىكتىك زالال كەلتىرۋ فاكتىسى بويىنشا تەرگەپ-تەكسەرۋدى اياقتادى.

«ينتەرفارمسەرۆيس» جشس قازاقستان اۋماعىندا ديۋشەنن بۇلشىقەت ديستروفياسىن ەمدەۋگە ارنالعان دارىلىك زاتتاردىڭ ديستريبيۋتورى جانە جالعىز جەتكىزۋشىسى بولا وتىرىپ، بەس جىل بويى ولاردى ەلىمىزدىڭ مەديتسينالىق ۇيىمدارىنا جەتكىزىپ كەلگەن.

اتالعان پرەپاراتتار بويىنشا ءوندىرۋشى شەكتى ساتۋ باعالارىن بەلگىلەگەن.

الايدا كومپانيا باسشىلىعى زاڭسىز پايدا تابۋ ماقساتىندا جەتكىزۋ تىزبەگىنە بىرىككەن اراب امىرلىكتەرىندە تىركەلگەن وزدەرىنە باعىنىستى كومپانيانى قوسىپ، سول ارقىلى جالعان مامىلەلەر جۇرگىزگەن.

وسى سحەما ارقىلى پرەپاراتتاردىڭ ساتۋ باعاسى جاساندى تۇردە ءوسىرىلىپ، ولاردىڭ ناقتى وزىندىك قۇنى جاسىرىلىپ، زاڭسىز پايدا الىنعان.

ناتيجەسىندە مەملەكەتكە 3,7 ملرد تەڭگە كولەمىندە زالال كەلتىرىلدى.

الىنعان تابىسقا سالىق تولەۋدەن جالتارۋ ماقساتىندا سەرىكتەستىك باسشىلىعى ءتۇرلى جەكە كاسىپكەرلەرمەن جالعان مامىلەلەر جاساپ، جالعان شوت-فاكتۋرالار راسىمدەۋ ارقىلى قاراجاتتى شىعارۋ سحەماسىن ۇيىمداستىرعان.

سونىڭ سالدارىنان 4 ملرد تەڭگەدەن استام قاراجات قولما-قول اقشاعا اينالدىرىلعان. كومپانيا 637 ملن تەڭگەدەن استام سالىق تولەۋدەن جالتارعان.

زاڭسىز بايۋ ناتيجەسىندە كاسىپكەرلەر 32 پاتەر، 11 اۆتوكولىك جانە 8 تۇرعىن ءۇي ساتىپ العان. اتالعان مۇلىككە تاركىلەۋ ماقساتىندا تىيىم سالىندى.

ەكى كۇدىكتىگە قاتىستى ۇيقاماق تۇرىندەگى بۇلتارتپاۋ شاراسى، ءۇشىنشى تۇلعاعا قاتىستى كەپىل تۇرىندەگى بۇلتارتپاۋ شاراسى قولدانىلدى.

قازىرگى ۋاقىتتا تاراپتار قىلمىستىق ءىس ماتەريالدارىمەن تانىسۋدى باستادى.

قازاقستان رەسپۋبليكاسى قپك-ءنىڭ 201-بابىنا سايكەس وزگە اقپارات جاريالاۋعا جاتپايدى.

قر قما ءباسپاسوز قىزمەتى