كلۋب وتباسى مەن مەكتەپ اراسىنداعى ءوزارا ارەكەتتەستىكتى كۇشەيتۋگە، اتا-انالاردىڭ پەداگوگيكالىق مادەنيەتىن ارتتىرۋعا جانە ۇلتتىق تاربيە قۇندىلىقتارىن ساقتاۋعا باعىتتالعان الاڭ رەتىندە قىزمەت ەتەدى.

كلۋب جۇمىسى اياسىندا «اكە وسيەتى»، «اجە دانالىعى»، «اعا قامقورلىعى» باعىتتارى بويىنشا كەزدەسۋلەر، ترەنينگتەر جانە تاربيەلىك ءىس-شارالار وتكىزىلەدى. بۇل ساباقتار ۇرپاقتار ساباقتاستىعىن نىعايتۋعا جانە وتباسىلىق داستۇرلەردى ناسيحاتتاۋعا باعىتتالعان.

2025-2026 وقۋ جىلىنىڭ باسىنان بەرى كلۋب اياسىندا شامامەن 33 مىڭ ءىس-شارا ۇيىمداستىرىلدى. بيىلعى وقۋ جىلىندا ساباقتاردىڭ مازمۇنى زاماناۋي تاربيەلىك مىندەتتەردى ەسكەرە وتىرىپ جاڭارتىلدى.

بالالاردىڭ ەكولوگيالىق مادەنيەتىن قالىپتاستىرۋعا، ۇرپاقتار اراسىنداعى ۇيلەسىمدى قارىم-قاتىناستى دامىتۋعا، وقۋشىلاردى كىتاپ وقۋعا باۋلۋعا، قارجىلىق ساۋاتتىلىقتى ارتتىرۋعا، سونداي-اق وسكەلەڭ ۇرپاقتى تاربيەلەۋدەگى وتباسى مۇشەلەرىنىڭ ءرولى مەن جاۋاپكەرشىلىگىن ۇعىندىرۋعا ەرەكشە نازار اۋدارىلۋدا.

ەسكە سالا كەتەيىك، اتا-انالاردى پەداگوگيكالىق قولداۋ ورتالىقتارى 2023 جىلدان باستاپ ەلىمىزدىڭ بارلىق مەكتەپتەرىندە «ادال ازامات» ءبىرتۇتاس تاربيە باعدارلاماسى اياسىندا جۇمىس ىستەيدى. «دانالىق مەكتەبى» كلۋبى تەك ءىس-شارالار ۇيىمداستىرۋ فورماتى رەتىندە عانا ەمەس، سونىمەن قاتار وتباسىلىق قۇندىلىقتاردى نىعايتۋعا، ءوزارا قۇرمەتتى قالىپتاستىرۋعا جانە ءاربىر قوعام مۇشەسىنىڭ ازاماتتىق جاۋاپكەرشىلىگىن ارتتىرۋعا ىقپال ەتەتىن رۋحاني-تاربيەلىك الاڭ رەتىندە قاراستىرىلادى.