شارانى ساۋدا جانە ينتەگراتسيا مينيسترلىگىنىڭ قولداۋىمەن "QazTrade" ساۋدا ساياساتىن دامىتۋ ورتالىعى" اق ۇيىمداستىرىپ، قىتاي حالىقارالىق ساۋدانى دامىتۋ جونىندەگى كەڭەسىنىڭ چۋنتسين كوميتەتىمەن (CCPIT Chongqing) بىرلەسىپ جۇزەگە اسىردى.

ءىس-شاراعا قىتاي، تايلاند، لاوس، ۆەتنام جانە قازاقستان ەلدەرىنىڭ 170-تەن استام وكىلى قاتىستى. ميسسيانىڭ نەگىزگى بولىگى — قازاقستاندىق ازىق-تۇلىك وندىرۋشىلەر مەن قىتاي جانە وڭتۇستىك -شىعىس ازيا مەملەكەتتەرىنىڭ قاۋىمداستىعىنا مۇشە ەلدەرىنىڭ كاسىپكەرلەرى اراسىنداعى ەكىجاقتى B2B-كەزدەسۋلەر بولدى. بۇل كەزدەسۋلەر بارىسىندا 28 قازاقستاندىق كومپانيا ءوز ونىمدەرىن شەتەلدىك سەرىكتەستەرگە ۇسىندى.

ء"بىز چۋنتسين قالاسىن ماڭىزدى ساۋدا سەرىكتەسى رەتىندە كورەمىز. حالقىنىڭ سانى 32 ميلليوننان اسادى، ءجىو $430 ميللياردتان جوعارى، تسيفرلىق يندۋسترياسى، اۆتوموبيل جاساۋ، ەلەكترونيكا، حيميا جانە تاماق ونەركاسىبى دامىعان قىتايدىڭ جەتەكشى وندىرىستىك ورتالىعى بولىپ تابىلادى. سونىمەن قاتار، بۇل قالا العاش رەت استانادا تانىستىرىلعان «ءبىر بەلدەۋ — ءبىر جول» باستاماسىنىڭ نەگىزگى توراپتارىنىڭ ءبىرى. قازاقستان وسى باستامانى العاشقى كۇننەن باستاپ قولداپ كەلەدى جانە ونى ىلگەرىلەتۋگە بەلسەندى قاتىسۋدا", -  دەدى قر ساۋدا جانە ينتەگراتسيا ءمينيسترى ارمان شاققاليەۆ.

مينيستر سونداي-اق چۋنتسين ارقىلى ەۋروپاعا باعىتتالعان باستى تەمىرجول مارشرۋتتارىنىڭ (چۋنتسين–دۋيسبۋرگ، چۋنتسين–ماسكەۋ) وتەتىنىن جانە ولاردىڭ 80%-دان استامى قازاقستان ارقىلى ترانزيتپەن جۇرەتىنىن ايتىپ، بىرلەسكەن لوگيستيكالىق حاب قۇرۋدىڭ زور الەۋەتىنە نازار اۋداردى.

ء"بىز چۋنتسين كومپانيالارىن قازاقستاندا بىرلەسكەن ءوندىرىس ورىندارىن، لوگيستيكالىق ورتالىقتار مەن قايتا وڭدەۋ كاسىپورىندارىن قۇرۋعا شاقىرامىز. بۇل وندىرىستەردەن ونىمدەر ەۋروپاعا، رەسەيگە، يرانعا جانە تاياۋ شىعىس ەلدەرىنە ەكسپورتتالادى. بۇگىن ءبىزدىڭ بيزنەس-دەلەگاتسيا قۇرامىندا چۋنتسين نارىعىنا شىعۋعا دايىن ونداعان قازاقستاندىق ەكسپورتتاۋشىلار بار",  - دەپ اتاپ ءوتتى مينيستر.

ميسسيا اياسىندا قازاقستاندىق كاسىپكەرلەر چۋنتسين قالاسىنىڭ ءىرى كاسىپورىندارى مەن ەكونوميكالىق الاڭدارىن ارالادى. ولاردىڭ قاتارىندا Chongqing Zhou Junji Hot Pot Food Co.، Ltd.، Chongqing Foreign Trade and Economic Cooperation Group (CFTEC), Quality Chinese Product Trade Center (QCPTC) جانە Chongqing Bonded Port Area Group بار. بۇل ساپارلار قىتاي نارىعىنا تابىستى شىعۋ ءۇشىن قاجەتتى ساقتاۋ، ديستريبۋتسيا، لوگيستيكا جانە تاۋارلاردى سەرتيفيكاتتاۋ مۇمكىندىكتەرىمەن تانىسۋعا جول اشتى.

ميسسيا بارىسىندا ەكى ماڭىزدى كەلىسىمگە قول قويىلدى. «QazTrade» پەن چۋنتسين قالاسىنداعى حالىقارالىق ساۋدانى دامىتۋ كوميتەتى اراسىنداعى جانە «QazTrade» پەن چۋنتسيندەگى ۇلكەن لوگيستيكالىق ورتالىقتىڭ باسقارۋشى كومپانياسى اراسىنداعى كەلىسىمدەرگە قول جەتكىزىلدى. بۇل كەلىسىمدەر قازاقستان مەن قىتاي اراسىنداعى ساۋدانى دامىتۋعا كومەكتەسەدى جانە قازاقستاندىق ونىمدەردىڭ قىتايدىڭ وڭتۇستىك-باتىسىنداعى ءىرى قويما جانە جەتكىزۋ ورتالىقتارىنا شىعۋىنا مۇمكىندىك بەرەدى.

چۋنتسيندەگى ساۋدا-ەكونوميكالىق ميسسيا قازاقستان مەن شىعىس جانە وڭتۇستىك-شىعىس ازيا ەلدەرى اراسىنداعى ساۋدا قاتىناستارىن نىعايتۋدىڭ ماڭىزدى قادامىنا اينالىپ، قازاقستاندىق وندىرۋشىلەر ءۇشىن حالىقارالىق نارىقتاردا جاڭا مۇمكىندىكتەرگە جول اشتى.

ساۋدا جانە ينتەگراتسيا مينيسترلىگى