ايتا كەتسەك، 2024 جىلدىڭ 9 قىركۇيەگىندە قازاقستاندا بۋكمەكەرلىك كەڭسەلەر مەن بۋكمەكەرلىك دۇكەندەردىڭ سىرتقى جارناماسىنا تىيىم سالاتىن زاڭ كۇشىنە ەندى. زاڭ كۇشىنە ەنگەنگە دەيىن استانا قالاسى اكىمدىگىنىڭ «استانا-جارناما» مەملەكەتتىك مەكەمەسى جارنامالىق قۇرىلىمداردىڭ يەلەرىنە ءتۇسىندىرۋ جۇمىستارىن جۇرگىزدى.  

«استانا-جارناما» سىرتقى جارنامالاردى باقىلاۋدى جالعاستىرۋدا. اۋدان اكىمدىكتەرىمەن بىرلەسە وتىرىپ، كاسىپكەرلەرگە زاڭ تالاپتارىن تۇسىندىرۋگە باعىتتالعان ءىس-شارالار تۇراقتى وتكىزىلىپ تۇرادى. بۇزۋشىلىقتار انىقتالسا، زاڭسىز جارناما جويىلىپ، ونى تاراتۋشىلار اكىمشىلىك جاۋاپكەرشىلىككە تارتىلادى.

كاسىپكەرلەرگە تۇراقتى تۇردە ءتۇسىندىرۋ جۇرگىزىلىپ، زاڭ تالاپتارىن ساقتاۋ قاجەتتىگى تۋرالى كىتاپشالار شىعارىلۋدا.

زاڭعا سايكەس، بۋكمەكەرلىك كەڭسەلەردى عيماراتتىڭ قاسبەتتەرىنە، اشىق الاڭقايلارعا، كولىكتەرگە جانە سىرتقى قۇرىلىستارعا جارنامالاۋعا تىيىم سالىنادى. جارناماعا تەك بۋكمەكەرلىك كەڭسەلەردە، سپورت عيماراتتارىندا جانە سپورتتىق جابدىقتاردا عانا رۇقسات ەتىلەدى. بۋكمەكەرلىك كومپانيالاردىڭ لوگوتيپتەرى مەن ساۋدا بەلگىلەرىن بيزنەستىڭ باسقا تۇرلەرىن جارنامالاۋدا پايدالانۋعا دا تىيىم سالىنادى.

اقبتك-ءنىڭ 455-بابىنا سايكەس، زاڭدى بۇزعانى ءۇشىن 236 مىڭنان 1,5 ميلليون تەڭگەگە دەيىن ايىپپۇل سالىنادى.