«بولاشاقتىڭ ويىندارىن» دايىنداۋ جانە وتكىزۋ جونىندەگى ۇيىمداستىرۋ كوميتەتىنىڭ تاپسىرماسىنا سايكەس، «قازسپورتينۆەست» اكتسيونەرلىك قوعامى بازاسىندا مامانداندىرىلعان ديرەكتسيا قۇرىلدى. ديرەكتسيانىڭ مىندەتى – 2026 جىلى استانادا وتەتىن «بولاشاقتىڭ ويىندارى» حالىقارالىق مۋلتيسپورتتىق ءتۋرنيرىن ۇيىمداستىرۋ جانە وتكىزۋ.

مەملەكەت باسشىسى قاسىم-جومارت توقاەۆتىڭ باستاماسىمەن جۇزەگە اسىرىلاتىن ءىس-شارا ەل سپورتىنداعى ماڭىزدى وقيعا بولماق.

ايتا كەتەيىك، 2024 جىلعى 13 قازاندا دۋبايدا ء(باا) وتكەن رەسمي راسىمدە قازاقستان 2026 جىلى ءداستۇرلى سپورت تۇرلەرى مەن كيبەرسپورتتى بىرىكتىرەتىن بىرەگەي تۋرنير – Phygital Games of the Future جارىسىن وتكىزۋ قۇقىعىنا يە بولعان ەدى. 2026 جىلعى جارىستى ۇيىمداستىرۋعا قازاقستاننان بولەك، پەرۋ جانە چيلي مەملەكەتتەرى دە ۇمىتكەر بولعان.