بۇل تۋرالى ەلوردا باسشىسى جەڭىس قاسىمبەك ينستاگرام پاراقشاسىندا جاريالادى دەپ حابارلايدى، Ras.kz اقپاراتتىق پورتالى.

اكىم جاريالاعان اقپاراتقا قاراساق، «تەرريتوريا كومفورتا-1» 2-كەزەك، «تريۋمف سيتي»، «Future home» تۇرعىن ءۇي كەشەندەرىنە 800 گە جۋىق وتباسى قاراجات قۇيعان. ۇزاققا سوزىلعان بىرقاتار نىساننىڭ قۇرىلىس بارىسىمەن تانىسقانىن جازعان جەڭىس قاسىمبەك ءارى قاراي بىلاي دەدى:

«ماسەلەن، «تەرريتوريا كومفورتا» تۇرعىن ءۇي كەشەنىنىڭ قۇرىلىسى وسىدان 20 جىلداي ۋاقىت بۇرىن باستالعان. تەحنيكالىق تەكسەرۋ كەزىندە عيماراتتىڭ اپاتتى جاعدايدا ەكەنى انىقتالدى. تيىسىنشە اپاتتى كۇيدەگى تۇرعىن ءۇي كەشەنىنىڭ بارلىق بلوگىن بۇزۋ بويىنشا اۋقىمدى جۇمىس جۇرگىزىلدى. 2021 جىلى «تەرريتوريا كومفورتا» تك ءبىرىنشى كەزەگىنىڭ قۇرىلىسى اياقتالىپ، 100-دەن استام ۇلەسكەر وتباسى پاتەر كىلتىن العان. قالعان بلوكتار بويىنشا جۇمىس ءجۇرىپ جاتىر»

وسىدان 10 جىل بۇرىن باستالىپ، كەيىن، ساقالدى قۇرىلىسقا اينالعان «تريۋمف سيتي» مەن «Future home» تۇرعىن ءۇي كەشەندەرىنىڭ تەك 4 جانە 7 قاباتى عانا سالىنعان. بيىل قۇرىلىسى ۇزاققا سوزىلعان 30 تۇرعىن ءۇي كەشەنىن اياقتاۋدى جوسپارلاپ وتىرمىز دەدى،  الەۋمەتتىك جەلىدەگى پاراقشاسىنداعى جازباسىندا جەڭىس قاسىمبەك