قازاقستاندىق تاراپتان باس پروكۋراتۋرا، سوت اكىمشىلىگى، ۇلتتىق قاۋىپسىزدىك كوميتەتى، قارجىلىق مونيتورينگ جانە مەملەكەتتىك قىزمەت ىستەرى اگەنتتىكتەرىنىڭ، ادام قۇقىقتارى جونىندەگى ۇلتتىق ورتالىقتىڭ، سىرتقى ىستەر، ادىلەت، ىشكى ىستەر، ەڭبەك جانە حالىقتى الەۋمەتتىك قورعاۋ، مادەنيەت جانە اقپارات، دەنساۋلىق ساقتاۋ جانە وقۋ-اعارتۋ مينيسترلىكتەرىنىڭ وكىلدەرى قاتىستى.

كىشى كوميتەتتىڭ قازاقستاندىق بولىگىنىڭ تەڭ توراعاسى، قازاقستان رەسپۋبليكاسى باس پروكۋرورىنىڭ ورىنباسارى اسحات جۇماعالي وسى جىلعى 15 ناۋرىزدا رەسپۋبليكالىق رەفەرەندۋمدا قابىلدانعان كونستيتۋتسيانىڭ ادام قۇقىقتارىن قورعاۋ جۇيەسىن نىعايتۋ تۇرعىسىنان نەگىزگى جاڭاشىلدىقتارىن باياندادى.

زاڭ ۇستەمدىگىن، ادىلەتتىلىكتى جانە بارلىعىنىڭ زاڭ الدىنداعى تەڭدىگىن قامتاماسىز ەتۋگە باعىتتالعان قوعامدا قۇقىقتىق ءتارتىپ يدەولوگياسىن ىلگەرىلەتۋ تۇجىرىمداماسىن ىسكە اسىرۋعا ەرەكشە نازار اۋدارىلادى.

ديالوگ بارىسىندا تاراپتار ايەلدەر مەن بالالاردى قوسا العاندا، ادام قۇقىقتارىن قۇرمەتتەۋ، ءسوز جانە بىرلەستىك بوستاندىعى، ءدىني سەنىم مەن بەيبىت جينالىستار، كۇزەتپەن ۇستاۋ جاعدايلارى، ازاپتاۋدىڭ الدىن الۋ جانە ت.ب. سالاداعى احۋال بويىنشا پىكىر الماستى.

كىشى كوميتەت قۇقىق قورعاۋ جانە سوت جۇيەلەرىن دامىتۋدى، قىلمىستىق جانە ازاماتتىق ىستەردەگى حالىقارالىق ىنتىماقتاستىقتى، زاڭسىز كوشى-قونعا، تەرروريزمگە، ەسىرتكى قىلمىسىنا، كولەڭكەلى ەكونوميكاعا جانە سىبايلاس جەمقورلىققا، ادام ساۋداسىنا قارسى كۇرەس سياقتى جاھاندىق قاۋىپتەرگە قارسى تۇرۋدى، سونداي-اق قازاقستاننىڭ قىلمىستىق ءىس جۇرگىزۋ سالاسىنداعى ەۋروپالىق كونۆەنتسيالارعا قوسىلۋىن تالقىلادى.

تاراپتار، بۇۇ جانە ەقىۇ پلاتفورمالارىن قوسا العاندا، كوپجاقتى حالىقارالىق پلاتفورمالار شەڭبەرىندەگى ءوزارا

ءىس-قيمىلدى تالقىلاپ، ادام قۇقىقتارى، سوت تورەلىگى مەن قۇقىقتىق ءتارتىپ باعىتىندا تاجىريبە مەن وزىق تاجىريبەلەرمەن الماسۋدى جالعاستىرۋعا قىزىعۋشىلىق تانىتتى.

باس پروكۋراتۋرانىڭ ءباسپاسوز قىزمەتى