وندا كاسىپكەرلەرمەن ارىپتەستىكتى نىعايتۋ، بيزنەستىڭ جاڭا نارىقتارعا شىعۋىنا قولداۋ كورسەتۋ جانە ءوڭىردىڭ تۇراقتى ەكونوميكالىق دامۋىنا ىقپال ەتەتىن زاماناۋي قارجى قۇرالدارىن دامىتۋ ماسەلەسى تالقىلاندى.

كەزدەسۋدە قوستاناي وبلىسىنىڭ اكىمى تەك بيىلعى جىلدىڭ ءبىرىنشى توقسانىندا ءوڭىرىمىزدىڭ قارجى نارىعىندا ەكىنشى دەڭگەيلى بانكتەردىڭ ەكونوميكا سالالارىنا بەرگەن نەسيەلىك سالىمدارى 119,1 ملرد تەڭگەنى قۇراعانىن جەتكىزدى.

بەرىلگەن نەسيەلەردىڭ ەڭ كوپ ۇلەسى ساۋدا سالاسىنا تيەسىلى – جالپى سومانىڭ 16,1%-ءى، ونەركاسىپكە – 15,9%، قۇرىلىس سالاسىنا – 2,7%. شاعىن كاسىپكەرلىك سۋبەكتىلەرىن دامىتۋعا 30,4 ملرد تەڭگە نەسيە بەرىلدى، بۇل وتكەن جىلدىڭ وسى كەزەڭىمەن سالىستىرعاندا 15,8%-كە كوپ.

«وبلىستىڭ بانكتىك دەپوزيتتىك بازاسى ءبىر جىل ىشىندە 20,7%-عا ءوسىپ، 1,2 ترلن تەڭگەنى قۇرادى. ونىڭ ىشىندە دەپوزيتتىك نارىقتىڭ 80%-ءى حالىقتىڭ سالىمدارىنا تيەسىلى. دەپوزيتتەردى دوللارلاندىرۋ دەڭگەيى 8,3%-ءتى قۇراپ، 2025 جىلدىڭ وسى كەزەڭىمەن سالىستىرعاندا 3,6 پايىزدىق ۇلەسكە تومەندەدى. بۇل تەڭگەگە دەگەن سەنىمنىڭ ارتقانىن كورسەتەدى» — دەپ اتاپ ءوتتى ايماق باسشىسى.

ءباسپاسوز قىزمەتى