ءىس-شارا ۇلى جەڭىستىڭ 80 جىلدىعى مەن ازاماتتىق اۆياتسيا اكادەمياسىنىڭ 30 جىلدىعىنا ارنالدى. ەرلىك پەن قاھارماندىقتىڭ سيمۆولىنا اينالعان وسى كيەلى ورىندا ستۋدەنتتەر باتىرلار رۋحىنا تاعزىم ەتتى. سونىمەن قاتار ولار قاھارمانداردىڭ ەرلىگىنىڭ ايعاعى بولار اسكەري-تاريحي مۋزەيدى ارالاپ، ساياباق اۋماعىندا قويىلعان اسكەري تەحنيكا ۇلگىلەرىمەن تانىستى.

اكادەميا وقىتۋشىلارىنىڭ ايتۋىنشا، بۇل جيىن - بولاشاق وتان قورعاۋشىلارىن تاربيەلەۋ جولىنداعى ماڭىزدى كەزەڭ. جيىن سوڭىندا ستۋدەنتتەر قورىتىندى سىناق تاپسىرىپ، وتانعا ادالدىق انتىن قابىلدادى.

عىلىم جانە جوعارى ءبىلىم مينيسترلىگى