جوبا Jasscience-2024 بايقاۋىنىڭ جەڭىمپازى بولىپ، الەمدەگى ەڭ بەدەلدى باعدارلامالاردىڭ ءبىرى 100 Rise Global Winners 2024 تىزىمىنە ەنگىزىلدى. ناتيجەسىندە، جوبا اۆتورلارىنىڭ ءبىرى حايدار اتاگۋللا الەمنىڭ كەز كەلگەن ۋنيۆەرسيتەتىندە تەگىن وقۋ مۇمكىندىگىنە يە بولدى.  «كوزىلدىرىك RikaAI جاساندى ينتەللەكت نەگىزىندە جۇمىس ىستەيدى.  بۇل ساۋساقپەن باسۋ ارقىلى ىسكە قوسىلاتىن ءينتۋيتيۆتى باعدارلاما. ول قولدانۋشىعا قۇلاققاپ ارقىلى داۋىستىق كوماندالار بەرەدى جانە سول ارقىلى قۇرىلعىمەن ءوزارا ارەكەتتەسۋگە مۇمكىندىگى تۋىندايدى. ءبىز ماتەريال جاساۋ ءۇشىن 3D پرينتەردى قولداندىق، ال كامەرا، قۇلاققاپتار مەن ميكروفوندى ارنايى تاپسىرىس بويىنشا الدىق»، — دەيدى حايدار اتاگۋللا.  «كوزىلدىرىكتەر ءتورت نەگىزگى فۋنكتسيانى اتقارادى. بىرىنشىدەن، ولار ChatGPT نەمەسە Wikipedia سياقتى قويىلعان سۇراقتارعا جاۋاپ بەرەدى. ەكىنشىدەن، ءماتىندى سكانەرلەپ، دىبىستاپ وقيدى. ۇشىنشىدەن، كوزىلدىرىك قوزعالىس كەزىندە كەدەرگىلەر تۋرالى ەسكەرتىپ وتىرادى، بۇل كورۋ قابىلەتى ناشار ادامداردا قۇلاۋ مەن جاراقاتتانۋدىڭ الدىن الۋعا كومەكتەسەدى. تورتىنشىدەن، كوزىلدىرىكتەر بولمەدە بولىپ جاتقان وقيعالار تۋرالى اقپارات بەرىپ، سيپاتتاي الادى. بولاشاقتا ءبىز قۇرىلعىنىڭ قىزمەتىن كەڭەيتۋدى جوسپارلاپ وتىرمىز»، — دەپ تولىقتىردى قايىرحان لۇقپانوۆ.  مينيسترلىك جاس عالىمداردىڭ جەتىستىكتەرىن ماقتانىش ەتەدى جانە ولاردىڭ ءبىلىم مەن عىلىم سالاسىنداعى يننوۆاتسيالىق تەحنولوگيالاردى دامىتۋعا باعىتتالعان تالپىنىستارىنا جان-جاقتى قولداۋ بىلدىرەدى.

اقپارات:  وقۋ-اعارتۋ مينيسترلىگىنەن