ءىس-شارانى ۇيىمداستىرۋشىلار سارايشىق اۋدانىنىڭ قارت تۇرعىندارىن ارالاپ، اۋلالارىنىڭ قارىن كۇرەدى.
«بۇگىن «تازا قازاقستان» اكتسياسى اياسىندا شارباقتى كوشەسىنىڭ بويىنداعى اۋلالاردى قاردان كۇرەۋ ارقىلى قارتتارعا كومەك كورسەتىلدى. باسقا بولىمشەلەردەگى ارىپتەستەرىمىزدى اكتسياعا قوسىلىپ، قارت ازاماتتارعا قولداۋ كورسەتۋگە شاقىرامىن»، - دەدى №23 ءورت ءسوندىرۋ ءبولىمى باستىعىنىڭ ورىنباسارى ماناس قادىرباەۆ.
اۋدان تۇرعىنى قار كۇرەۋگە كومەكتەسكەن قىزمەتكەرلەرگە العىس ءبىلدىردى. قار كۇرەۋ قارت كىسىلەر ءۇشىن وڭاي شارۋا ەمەس، سوندىقتان مۇنداي كومەككە ۇنەمى قۋانىپ قالادى.
ايتا كەتۋ كەرەك، استانادا «تازا قازاقستان. استانا – تازالىق پەن ءتارتىپتىڭ ۇلگىسى» اۋقىمدى ەكواكتسياسى ءوتىپ جاتىر. جاستاردىڭ، ۇكىمەتتىك ەمەس ۇيىمداردىڭ بەلسەندىلەرى، مادەنيەت جانە سپورت قايراتكەرلەرى اۋا رايىنىڭ قولايسىز كەزىندە مۇقتاج جاندارعا قولداۋ كورسەتىپ، ىستىق شاي مەن باۋىرساق تاراتىپ، قار كۇرەيدى.
