وعان 100 مىڭنان استام قالا تۇرعىنى، ەڭبەك ۇجىمدارى، مەملەكەتتىك ورگانداردىڭ قىزمەتكەرلەرى، بيزنەس وكىلدەرى، سپورتشىلار مەن مادەنيەت قايراتكەرلەرى، قوعام قايراتكەرلەرى، ءماسليحات دەپۋتاتتارى، ميب (پيك) جانە ت.ب. قاتىستى، دەپ حابارلايدى ەلوردا اكىمدىگىنىڭ رەسمي سايتى.

سەنبىلىك بارىسىندا 12 مىڭنان استام اعاش جانە 16 مىڭ شارشى مەتردەن استام بۇتالار مەن ساندىك وسىمدىكتەر وتىرعىزىلدى. قاتىسۋشىلار وسىلايشا قالانى كوركەيتۋگە ۇلەس قوستى. تۇرعىندار تازالىق ورناتىپ، اۋلالارىن اباتتاندىرۋ ءۇشىن جينالدى.

2025 جىلى ەلوردانىڭ ءتۇرلى اۋداندارىندا، سونىڭ ىشىندە اقبۇلاق وزەنىنىڭ جاعالاۋىندا، ر.قوشقارباەۆ داڭعىلى مەن س.نۇرماعانبەتوۆ كوشەلەرىنىڭ قيىلىسىندا، ج. وماروۆ كوشەسى، اباي داڭعىلى جانە ش. ءۋاليحانوۆ كوشەسى، كيرپيچنىي تۇرعىن الابىندا، سونداي-اق كەرەي، جانىبەك حاندارى، ۇلى دالا كوشەلەرىنىڭ بويىندا، جاعالاۋ ساياباعىندا، ردو جانىندا، بەيبىتشىلىك، كۇمىسبەكوۆ، سەركەباەۆ كوشەلەرىنىڭ بويىندا تازالىق جۇرگىزىلدى. ال «جاستار» ساياباعىندا، بوتانيكالىق باقتا، كوكتال ساياباعىندا، اباي الاڭىندا جانە باسقا دا قوعامدىق ورىنداردا كوشەت وتىرعىزىلدى.

ەكواكتسيا بارىسىندا 400 تونناعا جۋىق قوقىس شىعارىلدى، بۇل 100-دەن استام اۋىر جۇك رەيسىنە تەڭ.

الماتى اۋدانىنىڭ تۇرعىنى ءوز اسەرىن بىلايشا جەتكىزدى:

«بۇكىل قالانىڭ ءبىر ماقسات ءۇشىن بىرىككەنىن كورۋ كوز قۋانتادى. بۇگىن كورشىلەرىمىزبەن بىرگە ءۇيىمىزدىڭ جانىنا بىرنەشە اعاش وتىرعىزدىق. ەندى بىرنەشە جىلدان كەيىن مۇندا ادەمى اللەيا بولادى دەپ ۇمىتتەنەمىن»، - دەدى ول.

بۇگىنگى تازالىق ءىس-شاراسى سەنبىلىككە شىققان جاس جۇبايلار ءۇشىن ەرەكشە وقيعا بولدى. بايقوڭىر اۋدانىندا قۇرمەت پەن ديانا جولبارىسوۆتار اۋقىمدى كوگالداندىرۋ ناۋقانىنا قوسىلىپ، اعاش وتىرعىزدى.

«ءبىز ءۇشىن بۇل – قوس مەرەكە. ءبىز جاڭا وتباسىن قۇرىپ قانا قويماي، قالامىزدىڭ بولاشاعىنا از دا بولسا ۇلەس قوسىپ، جاڭا ءومىرىمىزدىڭ سيمۆولى رەتىندە بىرگە اعاش وتىرعىزدىق»، - دەدى قۇرمەت.

استانادا ەكولوگيالىق اكتسيا اياسىندا قالانى، نوسەر جانە سۋارۋ ارىقتارىنىڭ كارىز جەلىلەرىن سانيتارلىق تازالاۋ، كوشەلەردى، تروتۋارلاردى، كۆارتالىشىلىك اۋماقتاردى، قوعامدىق ورىنداردى جانە اۋلالاردى تازالاۋ جانە ت.ب. جۇمىستار جۇرگىزىلىپ جاتىر. جاسىل ەكپەلەردى كۇتۋ جانە وتىرعىزۋ بويىنشا ماۋسىمدىق اگروتەحنيكالىق جۇمىستار، ساۋدا الاڭدارىن، ت.ب. ورىنداردى تازارتۋ، رۇقسات ەتىلمەگەن ۇيىندىلەردى جويۋ جانە ت.ب. جۇمىس جۇرگىزىلەدى. مەردىگەر ۇيىمدار شاعىن ساۋلەت نىساندارىن، ەسكەرتكىشتەر مەن شاعىن ساۋلەت نىساندارىن، قوقىس ورىندارى مەن كونتەينەرلەردى جۋ جانە قالپىنا كەلتىرۋ جۇمىستارىن جۇرگىزدى.

كۇن رايىنىڭ جىلىنۋىمەن قالادا اباتتاندىرۋ، كوگالداندىرۋ جۇمىستارى باستالىپ كەتتى. بيىل ەلوردادا ميلليونعا جۋىق جاسىل جەلەك (اعاش، بۇتا، كوشەتتەر، ت.ب.) وتىرعىزۋ جوسپارلانىپ وتىر. اباتتاندىرۋ جۇمىسى قالانىڭ بارلىق التى اۋدانىن، ونىڭ ىشىندە الاڭداردى، اۋلالاردى جانە جاعالاۋلاردى قامتيدى.