ەلوردادا پوليتسيا پروكۋراتۋرانىڭ ۇيلەستىرۋىمەن ءوتىپ جاتقان 30 كۇندىك ەسىرتكى قىلمىسىنا قارسى ءىس-شارالار اياسىندا زاڭسىز ارەكەتپەن اينالىسقان ەر ادام مەن ايەلدى ۇستادى. تەرگەۋ بارىسىندا ولاردىڭ جالداپ تۇرعان پاتەرىن ەسىرتكى قويماسى رەتىندە پايدالانعانى انىقتالدى.

ءتىنتۋ كەزىندە ەرەكشە ءيىسى بار جاسىل ءتۇستى شامامەن ءبىر كەلى ماريحۋانا تاركىلەندى. سونداي-اق تۇرعىلىقتى جەرىنەن ەسىرتكىنى ۇنتاقتاۋعا، بۋىپ-تۇيۋگە جانە ولشەۋگە ارنالعان پلاستيك ىدىستار مەن ءتۇرلى قۇرالدار تابىلدى. قازىر ەكى كۇدىكتى دە قاماۋعا الىنىپ، ۋاقىتشا ۇستاۋ يزولياتورىنا جەتكىزىلدى. استانا قالالىق پوليتسيا دەپارتامەنتى ەسكەرتەدى: ەسىرتكى زاتتارىن زاڭسىز ساقتاۋ جانە تاراتۋ – اسا اۋىر قىلمىس، ول ءۇشىن قاتاڭ جازا قاراستىرىلعان. ءتارتىپ ساقشىلارى تۇرعىنداردى كۇماندى جايتتار نەمەسە ەسىرتكىنىڭ زاڭسىز اينالىمىنا قاتىستى دەرەكتەر بايقالعان جاعدايدا بىردەن 102 نومىرىنە حابارلاۋعا شاقىرادى.

اقپارات كوزى Polisia.kz سايتىندا