رەسپۋبليكالىق “قاراسورا – 2025” جەدەل الدىن الۋ ءىس-شاراسى اياسىندا ەسىرتكى قىلمىسىنا قارسى ءىس-قيمىل بولىمشەلەرىنىڭ قىزمەتكەرلەرى ەسىرتكى زاتتارىنىڭ زاڭسىز اينالىمىن انىقتاۋ جانە جولىن كەسۋ بويىنشا بەلسەندى جۇمىس جۇرگىزۋدە. استانا قالاسىنىڭ پد جەدەل ۋاكىلدەرى پروكۋراتۋرامەن بىرلەسىپ 47 جاستاعى ەر ادامدى ۇستادى. ونىڭ پاتەرىنەن ەكى كەلىدەن استام ەسىرتكى تابىلدى. ءتىنتۋ بارىسىندا ەلەكتروندى تارازى، 87 مىڭ اقش دوللارى، 10 مىڭ ەۋرو جانە 3,5 ميلليون تەڭگە كولەمىندە قولما-قول اقشا تابىلدى. تەرگەۋ بارىسىندا ەر ادامنىڭ ەسىرتكىنى ساتىپ الۋشىلارمەن جەكە كەزدەسىپ، قولما-قول تۇردە ساتقاندىعى جانە تولەمدى تەك قولما-قول قابىلداعانى انىقتالدى. ساراپتاما بۇل ەسىرتكى زاتىنىڭ گاشيش ەكەنىن كورسەتتى، بۇل قىلمىستىق ارەكەتتىڭ اۋقىمىن دالەلدەيدى. قىلمىستىق ءىس قوزعالدى. كۇدىكتى ءوز كىناسىن مويىندادى جانە ۋاقىتشا ۇستاۋ يزولياتورىنا قامالدى. تەرگەۋ جۇرگىزىلۋدە. "قاراسورا – 2025" ءىس-شاراسى جالعاسۋدا. ىشكى ىستەر ورگاندارى ەسىرتكىزاتتارىن جەتكىزۋ مەن تاراتۋدىڭ، سونىڭ ىشىندە ينتەرنەت-پلاتفورمالار مەن كۋرەرلىك سحەمالار ارقىلى جۇرەتىن جولدارىن جابۋعا باعىتتالعان.

اقپارات كوزى Polisia.kz