2020 جىلى سوتتالعاندار توو «وليمپ ترانس سەرۆيس» اتىنان 23,2 ملرد تەڭگەگە ەرەيمەنتاۋ اۋدانىندا جەل ەلەكتر ستانتسياسىن سالۋعا شارت جاساسقان. جالعان شارتتاردى راسىمدەۋ ارقىلى ولار اقشانى سەرىكتەس كومپانيالاردىڭ شوتتارىنا اۋدارىپ، كەيىننەن قولما - قول اقشاعا اينالدىرعان.

نəتيجەسىندە كەلتىرىلگەن زالال كولەمى 8,5 ملرد تەڭگەدەن استى.

سوتتىڭ سانكتسياسىمەن 13 ملرد تەڭگە تۇراتىن مۇلىككە (زاۋىت، دەمالىس بازاسى، ارنايى تەحنيكا مەن كولىك قۇرالدارى) تىيىم سالىندى.

سوت ۇكىمىمەن بەلەنتسەۆا كىنəلى دەپ تانىلىپ، وعان 8 جىل 6 اي، مەرگەنباەۆقا 6 جىل 8 ايعا باس بوستاندىعىنان ايىرۋ جازاسى تاعايىندالدى.

بۇدان بولەك، سوت 8, 5 ملرد تەڭگە كولەمىندەگى ازاماتتىق تالاپتى قاناعاتتاندىردى.

ازاماتتىق تالاپتى ورىنداۋ ماسەلەسى قارالعانعا دەيىن مۇلىككە سالىنعان تىيىم ساقتالادى.

ۇكىم زاڭدى كۇشىنە ەنگەن جوق.