استانا – ششۋچينسك اۆتوجولىنىڭ ءتورت نەگىزگى ۋچاسكەسىندە — شورتاندى، اقكول، الاكول جانە قاراجار اۋداندارىندا جول قاۋىپسىزدىگىنە بايلانىستى اقپارات بەرەتىن زاماناۋي ەلەكتروندىق تابلولار ورناتىلدى. تابلونى ورناتۋ پوليتسيا مەن "قازاۆتوجول" ۇك-ءنىڭ باستاماسى بولدى. ولشەمى 8-دە 2 مەتر بولاتىن تابلو پايدالانۋعا بەرىلدى جانە جۇرگىزۋشىلەردى جەدەل اقپاراتتاندىرۋ ءۇشىن پايدالانىلاتىن بولادى. ەكرانداردا جول قاۋىپسىزدىگىنە قاتىستى ماڭىزدى حابارلامالار كورسەتىلەدى: بەلدىكتەردى تاعۋ قاجەتتىلىگى تۋرالى ەسكە سالۋ، جىلدامدىق رەجيمىن ساقتاۋ، تايعاق جول تۋرالى ەسكەرتۋلەر، قولايسىز اۋا رايى جاعدايلارى، جول جۇمىستارى جانە ىقتيمال قوزعالىس شەكتەۋلەرى. جاڭا تابلولاردىڭ باستى ارتىقشىلىعى — جول جاعدايىنا بايلانىستى اقپاراتتى تەز وزگەرتۋ مۇمكىندىگى. بۇل اسىرەسە جاعداي بىرنەشە مينۋت ىشىندە وزگەرۋى مۇمكىن، كوپ جۇرەتىن جول ءۇشىن وتە ماڭىزدى. جوبا جكو سانىن ازايتۋعا جانە جالپى جۇرگىزۋ مادەنيەتىن ارتتىرۋعا باعىتتالعان. بولاشاقتا مۇنداي جۇيەلەردى ەلىمىزدىڭ باسقا اۆتوجولدارىندا دا ەنگىزۋ جوسپارلانۋدا.

اقپارات كوزى Polisia.kz