ۇزىندىعى 700 مەتر بولاتىن ۋچاسكەدە زاماناۋي ادك-5 ۇلگىسىندەگى جارىق شاعىلدىرعىش ەلەمەنتتەر ورناتىلدى. بۇل ەلەمەنتتەر جول بەلگىلەرىنىڭ تۇنگى ۋاقىتتا جانە اۋا رايىنىڭ قولايسىز جاعدايلارىندا كورىنۋىن ايتارلىقتاي جاقسارتىپ، جوعارى جىلدامدىقپەن جۇرەتىن جولدار ءۇشىن وتە ماڭىزدى بولماق. شاعىلدىرعىشتىڭ ەرەكشەلىكتەرىنىڭ ناتيجەسىندە جۇرگىزۋشىلەر جولدا تەز باعدار الىپ، اپاتتى جاعدايلاردىڭ الدىن الۋعا مۇمكىندىك الادى.
سونىمەن قاتار، 1358 بەن 1360 شاقىرىم ارالىعىنداعى جول بولىگىنە اك-517 «سپرينتەر DUO» قاتايتقىشىمەن ەكى كومپونەنتتى بوياۋ قولدانىلعان جاڭا جول بەلگىسى جۇرگىزىلدى. ول توزۋعا توزىمدىلىگى جوعارى جانە اسفالت جابىندىسىمەن جابىسىپ تۇرۋ قابىلەتى وتە جوعارى، سونداي-اق قارقىندى جۇكتەمەسى بار جولداردا ەرەكشە ءتيىمدى. جاڭا جول بەلگىلەرى ۇزاق ۋاقىت بويى جولداعى جارىقتى ساقتاي وتىرىپ، كۇردەلى پايدالانۋ جاعدايلارىندا دا جاقسى كورىنۋدى قامتاماسىز ەتەدى.
اتالمىش تەحنولوگيالاردى ەنگىزۋ ارقىلى ەلىمىزدىڭ اۆتوجولدارىندا قولايلى ءارى قاۋىپسىز قوزعالىستى قامتاماسىز ەتەتىن بولامىز.
