15–17 مامىر كۇندەرى Barys Arena سپورت كەشەنىندە Counter-Strike 2 ديستسيپليناسى بويىنشا حالىقارالىق PGL Astana 2026 ءتۋرنيرى وتەدى. وسىلايشا استانا قاتارىنان ەكىنشى جىل الەمدىك كيبەرسپورت يندۋسترياسىنداعى ءىرى جارىستاردىڭ بىرىنە الاڭ ۇسىنباق.

ءتۋرنيردى ۇيىمداستىرۋشى — PGL Esports SRL. جارىستىڭ جۇلدە قورى — 1,6 ملن اقش دوللارى. تۋرنيرگە الەمنىڭ ۇزدىك 16 كومانداسى قاتىسادى، ولاردىڭ قاتارىندا Team Spirit, G2 Esports, FURIA Esports جانە Heroic بار.

جارىسقا Counter-Strike الەم چەمپيونى داۋرەن قىستاۋباەۆ، FURIA Esports ويىنشىسى دانيل گولۋبەنكو، ستريمەر سلاۆا بۋستەر، PGL تۋرنيرلەرىنىڭ جۇرگىزۋشىسى دجەيمس بەنكس جانە الەم چەمپيونى گابريەل تولەدو قۇرمەتتى قوناقتار رەتىندە شاقىرىلعان.

ءىس-شارا قر تۋريزم جانە سپورت مينيسترلىگى بەكىتكەن 2026 جىلعا ارنالعان تۋريستىك ءىس-شارالار كۇنتىزبەسىنە ەنگىزىلگەن.

PGL Astana 2026 ءتۋرنيرىنىڭ وتكىزىلۋى وقيعالىق ءتۋريزمنىڭ دامۋىنا سەرپىن بەرىپ، استانانىڭ حالىقارالىق دەڭگەيدەگى ءىرى كيبەرسپورتتىق الاڭ رەتىندەگى ورنىن نىعايتا تۇسەدى.