استانا حالىقارالىق اۋەجايى ءوزىنىڭ 8,3 ميلليونىنشى جولاۋشىسىنا قىزمەت كورسەتتى. بۇل 2024 جىلعى رەكوردتىق كورسەتكىش، سونداي-اق استانا اۋەجايى ءۇشىن تاريحي وقيعا. ەلوردا اۋەجايىنىڭ 8,3 ميلليونىنشى جولاۋشىسى LO195 رەيسىمەن ۆارشاۆا-استانا باعىتىمەن ۇشىپ كەلدى.

«استانا حالىقارالىق اۋەجايى جىلدان جىلعا الەمدىك اۆياتسيالىق قوعامداستىقتا ءوزىنىڭ ماڭىزدىلىعىن دالەلدەپ كەلە جاتىر. 2024 جىلى ءبىزدىڭ اۋەجايدان سەۋل، گوا، فۋكۋوك، پحۋكەت، ابۋ-دابي، سيانۋكۆيلل، ميلان، پراگا جانە مينەرالدى سۋلارعا تۇراقتى رەيستەر اشىلىپ، جاڭارتىلدى. وتكەن جىلى ءبىز 7,5 ميلليون جولاۋشىعا قىزمەت كورسەتسەك، بيىل جولاۋشىلار اعىنىنىڭ ءوسىمى 10% قۇراپ، 8,3 ميلليونعا جەتتى»، - دەدى استانا حالىقارالىق اۋەجايىنىڭ باسقارما توراعاسى يۋسۋف الجاۆدەر.

بۇل جەتىستىك اۋەجايدىڭ ەلدەگى كولىك ينفراقۇرىلىمىن دامىتۋداعى ماڭىزدى ءرولىن جانە ونىڭ قازاقستان ەكونوميكاسىنا قوسقان ۇلەسىن كورسەتەدى. استانا اۋەجايىنان ورتا ەسەپپەن 200-دەن استام رەيس ورىندالادى، بۇل قازاقستاننىڭ باس قالاسىنا تۋريستىك جانە ىسكەرلىك باعىت رەتىندە قىزىعۋشىلىقتىڭ ارتىپ كەلە جاتقانىن كورسەتەدى.

فوتو اشىق دەرەككوزدەردەن