21 جەلتوقسان كۇنى كوممۋنالدىق قىزمەتتەر ەلوردادان 34 مىڭ تەكشە مەتردەن استام قاردى 2 833 رەيسپەن الىپ شىقتى.

22 جەلتوقسانعا قاراعان ءتۇنى قار كۇرەۋ جۇمىسىنا 343 جول جۇمىسشى منن 1 264 ارنايى تەحنيكا جۇمىلدىرىلدى.

قىس مەزگىلىنىڭ باسىنان باستاپ پوليگوندارعا قالادان 102 654 رەيس ارقىلى 1,3 ملن تەكشە مەترگە جۋىق قار شىعارىلدى.

ەڭ الدىمەن، ەرەجەگە سايكەس، جولداردا كەپتەلىس بولماس ءۇشىن قوزعالىسى وتە قارقىندى ورىندار تازارتىلادى. سونداي-اق، قارقىندىلىعى ورتاشا ۋچاسكەلەر – الاڭدار، ۆوكزال ماڭى اۋماقتارى، تروتۋارلار، الەۋمەتتىك نىساندارعا كىرمە جولدار جانە ت.ب. تازارتىلادى.

ورتالىق كوشەلەردى، جولاۋشىلار كولىگى مارشرۋتتارى جۇرەتىن ورىنداردى، ايالدامالار مەن تروتۋارلاردا تازالاۋ دا باسىمدىققا يە.

قالادا بىرنەشە جابدىقتالعان قار پوليگونى بار. ولار ساموسۆال تەحنيكاسىنىڭ نومىرلىك بەلگىلەرىن وقۋ جۇيەسىمەن جابدىقتالعان، مۇندا بەينەباقىلاۋ كامەرالارى ورناتىلىپ، جارىقتاندىرۋ قوسىلعان.

ەلوردا تۇرعىندارى مەن قوناقتارىنان جولداردا اباي بولۋدى، قاۋىپسىزدىك ەرەجەلەرىن ساقتاۋدى، داۋىلدى ەسكەرتۋ بولعان جاعدايدا الىس ساپارلارعا شىقپاۋدى سۇرايمىز. 

توتەنشە جاعداي تۋىنداعان كەزدە «112» نومىرىنە حابارلاسىڭىز.