ايتا كەتەيىك، مەملەكەت باسشىسىنىڭ تاپسىرماسىنا ساي باسقارۋ پروتسەستەرىن ودان ءارى تسيفرلاندىرۋ شەڭبەرىندە ۇلتتىق ۇلان قويمالارىنداعى ازىق-تۇلىك قورلارىنىڭ جارامدىلىق مەرزىمدەرىنە تسيفرلىق باقىلاۋ ەنگىزىلدى.

قۇقىقتىق ءتارتىپ اسكەرى قازاق حالقىنىڭ ۇلتتىق تاعامدارىن تانىمال ەتۋ مەن مادەني قۇندىلىقتارىن ساقتاۋ اياسىندا اسكەري قىزمەتشىلەردىڭ راتسيونىنا ەنگىزۋگە باستاماشى بولدى.

جاڭارتىلعان ارميالىق راتسيونعا قازاقشا ەت، سىرنە، ناۋرىز-كوجە، نارىن، كەسپە، باۋىرساق جانە باسقا دا ءداستۇرلى تاعامدار ەنگىزىلەدى.

- اسكەري تاماقتانۋعا ۇلتتىق تاعامداردى ەنگىزۋ - بۇل اسپازدىق جاڭالىق قانا ەمەس، اسكەري قىزمەتشىلەرىمىزدىڭ جاۋىنگەرلىك رۋحىن نىعايتۋ مەن مادەني بىرەگەيلىگىن ساقتاۋداعى ماڭىزدى قادام، - دەپ اتاپ ءوتتى ۇلتتىق ۇلان باس قولباسشىسىنىڭ تىل جونىندەگى ورىنباسارى ەركەبۇلان حاميدۋللين.

ۇسىنىلىپ وتىرعان وزگەرىستەر الدىن الا قازاق تاماقتانۋ اكادەمياسىمەن كەلىسىلگەن، سەبەبى كالورياسى مەن ەنەرگەتيكالىق قۇندىلىعى جوعارى ۇلتتىق تاعامدارمەن بايىتىلعان راتسيون زات الماسۋدى، يممۋنيتەتتى جاقسارتۋعا جانە قارقىندى جۇكتەمەدەن كەيىن كۇش-قۋاتتى قالپىنا كەلتىرۋگە ىقپال ەتەدى.

دوڭگەلەك ۇستەل قورىتىندىسى بويىنشا ۇلتتىق ۇلاننىڭ باستاماسى قولداۋ تاپتى. الداعى ۋاقىتتا وسىنداي جۇمىس ورتاق كۇشپەن جالعاساتىن بولادى. بۇل باستاما اسكەري قىزمەتشىلەردىڭ دەنساۋلىعىن نىعايتىپ قانا قويماي، ولاردى پاتريوتتىق رۋحتا تاربيەلەۋدە ماڭىزى ءرول اتقارادى.

ءداستۇرلى تاعامدار تۋعان جەرىن، جاقىن ادامدارىن ەسكە سالىپ، مادەني مۇرامەن بايلانىستى ارتتىرادى دەپ ەسەپتەيدى اسكەري مەديتسينا جانە پسيحولوگيا سالاسىنداعى ساراپشىلار.

ايتا كەتسەك، وتكەن جىلى قۇقىقتىق ءتارتىپ اسكەرلەرىندە جاڭارتىلعان راتسيونعا اپروباتسيا جۇرگىزىلدى. ۇلاندىقتار بۇل باستامانى ىقىلاسپەن قارسى الدى. ولار ءداستۇرلى تاعامداردىڭ اسكەري قىزمەتتە قولايلى جاعداي جاساپ، پسيحولوگيالىق كوڭىل-كۇيدىڭ جاقسى بولۋىنا ءوز سەپتىگىن تيگىزەتىنىن اتاپ ءوتتى.

qr_iim_uu