وڭىردە تۇركىتىلدەس ۇلتتار اراسىنداعى باۋىرلاستىق بايلانىستار مەن دوستىقتى، تۇركىلىك مادەنيەت پەن ونەردى ۇرپاقتان ۇرپاققا جەتكىزىپ، ونى الەمگە تانىتۋ ماقساتىندا ءتۇرلى ءىس-شارالار ۇيىمداستىرىلادى.

ماسەلەن، اقتاۋدا كلاسسيكالىق جانە حالىق مۋزىكاسىنىڭ كونتسەرتتەرى، فوتو-كارتينا كورمەلەرى، تەاتر ترۋپپالارىنىڭ، مۋزىكالىق جانە بي ۇجىمدارىنىڭ، سونداي-اق تۇركى الەمىنىڭ باسقا دا ونەر وكىلدەرىنىڭ فەستيۆالدەرى جوسپارلانۋدا.

مادەني جىل ناۋرىز ايىندا TURKSOY ۇيىمىنا قاتىسۋشى ەلدەردىڭ مادەنيەت مينيسترلەرى كەڭەسىنىڭ وتىرىسىمەن جانە تۇركى ەلدەرى جۇلدىزدارىنىڭ گالا-كونتسەرتىمەن اشىلادى.

«تۇركى الەمىنىڭ مادەني استاناسى بولۋ ماڭعىستاۋ ءوڭىرى ءۇشىن ۇلتتىق سالت-ءداستۇر مەن ءتول ونەرىمىزدى الەمگە تانىتىپ قانا قويماي، ايماقتىڭ تۋريستىك الەۋەتىنىڭ ارتۋىنا، ءوڭىر حالقىنىڭ ءال-اۋقاتىنىڭ جاقسارۋىنا وڭ اسەرىن تيگىزەدى»،- دەدى ايماق باسشىسى نۇرداۋلەت قيلىباي.

ماڭعىستاۋ وبلىسى اكىمىنىڭ ءباسپاسوز قىزمەتى